4Jeremiah 4

1Si reverteris, Israël, ait Dominus, ad me convertere : si abstuleris offendicula tua a facie mea, non commoveberis.Select Jeremiah 4:1

2Et jurabis : Vivit Dominus in veritate, et in judicio, et in justitia : et benedicent eum gentes, ipsumque laudabunt.Select Jeremiah 4:2

3Hæc enim dicit Dominus viro Juda et Jerusalem : Novate vobis novale, et nolite serere super spinas.Select Jeremiah 4:3

4Circumcidimini Domino, et auferte præputia cordium vestrorum, viri Juda, et habitatores Jerusalem : ne forte egrediatur ut ignis indignatio mea, et succendatur, et non sit qui extinguat, propter malitiam cogitationum vestrarum.Select Jeremiah 4:4

5Annuntiate in Juda, et in Jerusalem auditum facite : loquimini, et canite tuba in terra, clamate fortiter, et dicite : Congregamini, et ingrediamur civitates munitas.Select Jeremiah 4:5

6Levate signum in Sion ; confortamini, nolite stare : quia malum ego adduco ab aquilone, et contritionem magnam.Select Jeremiah 4:6

7Ascendit leo de cubili suo, et prædo gentium se levavit : egressus est de loco suo ut ponat terram tuam in solitudinem : civitates tuæ vastabuntur, remanentes absque habitatore.Select Jeremiah 4:7

8Super hoc accingite vos ciliciis ; plangite, et ululate : quia non est aversa ira furoris Domini a nobis.Select Jeremiah 4:8

9Et erit in die illa, dicit Dominus : peribit cor regis, et cor principum, et obstupescent sacerdotes, et prophetæ consternabuntur.Select Jeremiah 4:9

10Et dixi : Heu ! heu ! heu ! Domine Deus, ergone decepisti populum istum et Jerusalem, dicens : Pax erit vobis : et ecce pervenit gladius usque ad animam ?Select Jeremiah 4:10

11In tempore illo dicetur populo huic et Jerusalem : Ventus urens in viis quæ sunt in deserto viæ filiæ populi mei, non ad ventilandum et ad purgandum.Select Jeremiah 4:11

12Spiritus plenus ex his veniet mihi, et nunc ego loquar judicia mea cum eis.Select Jeremiah 4:12

13Ecce quasi nubes ascendet, et quasi tempestas currus ejus : velociores aquilis equi illius. Væ nobis, quoniam vastati sumus.Select Jeremiah 4:13

14Lava a malitia cor tuum, Jerusalem, ut salva fias : usquequo morabuntur in te cogitationes noxiæ ?Select Jeremiah 4:14

15Vox enim annuntiantis a Dan, et notum facientis idolum de monte Ephraim.Select Jeremiah 4:15

16Dicite gentibus : Ecce auditum est in Jerusalem custodes venire de terra longinqua, et dare super civitates Juda vocem suam :Select Jeremiah 4:16

17quasi custodes agrorum facti sunt super eam in gyro, quia me ad iracundiam provocavit, dicit Dominus.Select Jeremiah 4:17

18Viæ tuæ et cogitationes tuæ fecerunt hæc tibi : ista malitia tua, quia amara, quia tetigit cor tuum.Select Jeremiah 4:18

19Ventrem meum, ventrem meum doleo ; sensus cordis mei turbati sunt in me. Non tacebo, quoniam vocem buccinæ audivit anima mea, clamorem prælii.Select Jeremiah 4:19

20Contritio super contritionem vocata est, et vastata est omnis terra : repente vastata sunt tabernacula mea ; subito pelles meæ.Select Jeremiah 4:20

21Usquequo videbo fugientem ; audiam vocem buccinæ ?Select Jeremiah 4:21

22Quia stultus populus meus me non cognovit : filii insipientes sunt et vecordes : sapientes sunt ut faciant mala, bene autem facere nescierunt.Select Jeremiah 4:22

23Aspexi terram, et ecce vacua erat et nihili ; et cælos, et non erat lux in eis.Select Jeremiah 4:23

24Vidi montes, et ecce movebantur : et omnes colles conturbati sunt.Select Jeremiah 4:24

25Intuitus sum, et non erat homo : et omne volatile cæli recessit.Select Jeremiah 4:25

26Aspexi, et ecce Carmelus desertus, et omnes urbes ejus destructæ sunt a facie Domini, et a facie iræ furoris ejus.Select Jeremiah 4:26

27Hæc enim dicit Dominus : Deserta erit omnis terra, sed tamen consummationem non faciam.Select Jeremiah 4:27

28Lugebit terra, et mœrebunt cæli desuper, eo quod locutus sum. Cogitavi, et non pœnituit me, nec aversus sum ab eo.Select Jeremiah 4:28

29A voce equitis et mittentis sagittam fugit omnis civitas : ingressi sunt ardua, et ascenderunt rupes : universæ urbes derelictæ sunt, et non habitat in eis homo.Select Jeremiah 4:29

30Tu autem vastata, quid facies ? cum vestieris te coccino, cum ornata fueris monili aureo, et pinxeris stibio oculos tuos, frustra componeris : contempserunt te amatores tui ; animam tuam quærent.Select Jeremiah 4:30

31Vocem enim quasi parturientis audivi, angustias ut puerperæ : vox filiæ Sion intermorientis, expandentisque manus suas : Væ mihi, quia defecit anima mea propter interfectos !Select Jeremiah 4:31