5Jeremiah 5

1Circuite vias Jerusalem, et aspicite, et considerate, et quærite in plateis ejus, an inveniatis virum facientem judicium, et quærentem fidem : et propitius ero ei.Select Jeremiah 5:1

2Quod si etiam : Vivit Dominus, dixerint, et hoc falso jurabunt.Select Jeremiah 5:2

3Domine, oculi tui respiciunt fidem : percussisti eos, et non doluerunt ; attrivisti eos, et renuerunt accipere disciplinam : induraverunt facies suas supra petram, et noluerunt reverti.Select Jeremiah 5:3

4Ego autem dixi : Forsitan pauperes sunt et stulti, ignorantes viam Domini, judicium Dei sui.Select Jeremiah 5:4

5Ibo igitur ad optimates, et loquar eis : ipsi enim cognoverunt viam Domini, judicium Dei sui : et ecce magis hi simul confregerunt jugum ; ruperunt vincula.Select Jeremiah 5:5

6Idcirco percussit eos leo de silva ; lupus ad vesperam vastavit eos : pardus vigilans super civitates eorum : omnis qui egressus fuerit ex eis capietur : quia multiplicatæ sunt prævaricationes eorum ; confortatæ sunt aversiones eorum.Select Jeremiah 5:6

7Super quo propitius tibi esse potero ? filii tui dereliquerunt me, et jurant in his qui non sunt dii. Saturavi eos, et mœchati sunt, et in domo meretricis luxuriabantur.Select Jeremiah 5:7

8Equi amatores et emissarii facti sunt : unusquisque ad uxorem proximi sui hinniebat.Select Jeremiah 5:8

9Numquid super his non visitabo, dicit Dominus, et in gente tali non ulciscetur anima mea ?Select Jeremiah 5:9

10Ascendite muros ejus, et dissipate : consummationem autem nolite facere : auferte propagines ejus, quia non sunt Domini.Select Jeremiah 5:10

11Prævaricatione enim prævaricata est in me domus Israël, et domus Juda, ait Dominus.Select Jeremiah 5:11

12Negaverunt Dominum, et dixerunt : Non est ipse : neque veniet super nos malum : gladium et famem non videbimus.Select Jeremiah 5:12

13Prophetæ fuerunt in ventum locuti, et responsum non fuit in eis : hæc ergo evenient illis.Select Jeremiah 5:13

14Hæc dicit Dominus Deus exercituum : Quia locuti estis verbum istud, ecce ego do verba mea in ore tuo in ignem, et populum istum in ligna, et vorabit eos.Select Jeremiah 5:14

15Ecce ego adducam super vos gentem de longinquo, domus Israël, ait Dominus : gentem robustam, gentem antiquam, gentem cujus ignorabis linguam, nec intelliges quid loquatur.Select Jeremiah 5:15

16Pharetra ejus quasi sepulchrum patens ; universi fortes.Select Jeremiah 5:16

17Et comedet segetes tuas et panem tuum ; devorabit filios tuos et filias tuas ; comedet gregem tuum et armenta tua ; comedet vineam tuam et ficum tuam : et conteret urbes munitas tuas, in quibus tu habes fiduciam, gladio.Select Jeremiah 5:17

18Verumtamen in diebus illis, ait Dominus, non faciam vos in consummationem.Select Jeremiah 5:18

19Quod si dixeritis : Quare fecit nobis Dominus Deus noster hæc omnia ? dices ad eos : Sicut dereliquistis me, et servistis deo alieno in terra vestra, sic servietis alienis in terra non vestra.Select Jeremiah 5:19

20Annuntiate hoc domui Jacob, et auditum facite in Juda, dicentes :Select Jeremiah 5:20

21Audi, popule stulte, qui non habes cor : qui habentes oculos, non videtis ; et aures, et non auditis.Select Jeremiah 5:21

22Me ergo non timebitis, ait Dominus, et a facie mea non dolebitis ? qui posui arenam terminum mari, præceptum sempiternum quod non præteribit : et commovebuntur, et non poterunt ; et intumescent fluctus ejus, et non transibunt illud.Select Jeremiah 5:22

23Populo autem huic factum est cor incredulum et exasperans : recesserunt, et abierunt.Select Jeremiah 5:23

24Et non dixerunt in corde suo : Metuamus Dominum Deum nostrum, qui dat nobis pluviam temporaneam et serotinam in tempore suo, plenitudinem annuæ messis custodientem nobis.Select Jeremiah 5:24

25Iniquitates vestræ declinaverunt hæc, et peccata vestra prohibuerunt bonum a vobis :Select Jeremiah 5:25

26quia inventi sunt in populo meo impii insidiantes quasi aucupes, laqueos ponentes et pedicas ad capiendos viros.Select Jeremiah 5:26

27Sicut decipula plena avibus, sic domus eorum plenæ dolo : ideo magnificati sunt et ditati.Select Jeremiah 5:27

28Incrassati sunt et impinguati, et præterierunt sermones meos pessime. Causam viduæ non judicaverunt, causam pupilli non direxerunt, et judicium pauperum non judicaverunt.Select Jeremiah 5:28

29Numquid super his non visitabo, dicit Dominus, aut super gentem hujuscemodi non ulciscetur anima mea ?Select Jeremiah 5:29

30Stupor et mirabilia facta sunt in terra :Select Jeremiah 5:30

31prophetæ prophetabant mendacium, et sacerdotes applaudebant manibus suis, et populus meus dilexit talia. Quid igitur fiet in novissimo ejus ?Select Jeremiah 5:31