16Revelation 16

1Et audivi vocem magnam de templo, dicentem septem angelis : Ite, et effundite septem phialas iræ Dei in terram.Select Revelation 16:1

2Et abiit primus, et effudit phialam suam in terram, et factum est vulnus sævum et pessimum in homines, qui habebant caracterem bestiæ, et in eos qui adoraverunt imaginem ejus.Select Revelation 16:2

3Et secundus angelus effudit phialam suam in mare, et factus est sanguis tamquam mortui : et omnis anima vivens mortua est in mari.Select Revelation 16:3

4Et tertius effudit phialam suam super flumina, et super fontes aquarum, et factus est sanguis.Select Revelation 16:4

5Et audivi angelum aquarum dicentem : Justus es, Domine, qui es, et qui eras sanctus, qui hæc judicasti :Select Revelation 16:5

6quia sanguinem sanctorum et prophetarum effuderunt, et sanguinem eis dedisti bibere : digni enim sunt.Select Revelation 16:6

7Et audivi alterum ab altari dicentem : Etiam Domine Deus omnipotens, vera et justa judicia tua.Select Revelation 16:7

8Et quartus angelus effudit phialam suam in solem, et datum est illi æstu affligere homines, et igni :Select Revelation 16:8

9et æstuaverunt homines æstu magno, et blasphemaverunt nomen Dei habentis potestatem super has plagas, neque egerunt pœnitentiam ut darent illi gloriam.Select Revelation 16:9

10Et quintus angelus effudit phialam suam super sedem bestiæ : et factum est regnum ejus tenebrosum, et commanducaverunt linguas suas præ dolore :Select Revelation 16:10

11et blasphemaverunt Deum cæli præ doloribus, et vulneribus suis, et non egerunt pœnitentiam ex operibus suis.Select Revelation 16:11

12Et sextus angelus effudit phialam suam in flumen illud magnum Euphraten : et siccavit aquam ejus, ut præpararetur via regibus ab ortu solis.Select Revelation 16:12

13Et vidi de ore draconis, et de ore bestiæ, et de ore pseudoprophetæ spiritus tres immundos in modum ranarum.Select Revelation 16:13

14Sunt enim spiritus dæmoniorum facientes signa, et procedunt ad reges totius terræ congregare illos in prælium ad diem magnum omnipotentis Dei.Select Revelation 16:14

15Ecce venio sicut fur. Beatus qui vigilat, et custodit vestimenta sua, ne nudus ambulet, et videant turpitudinem ejus.Select Revelation 16:15

16Et congregabit illos in locum qui vocatur hebraice Armagedon.Select Revelation 16:16

17Et septimus angelus effudit phialam suam in aërem, et exivit vox magna de templo a throno, dicens : Factum est.Select Revelation 16:17

18Et facta sunt fulgura, et voces, et tonitrua, et terræmotus factus est magnus, qualis numquam fuit ex quo homines fuerunt super terram : talis terræmotus, sic magnus.Select Revelation 16:18

19Et facta est civitas magna in tres partes : et civitates gentium ceciderunt. Et Babylon magna venit in memoriam ante Deum, dare illi calicem vini indignationis iræ ejus.Select Revelation 16:19

20Et omnis insula fugit, et montes non sunt inventi.Select Revelation 16:20

21Et grando magna sicut talentum descendit de cælo in homines : et blasphemaverunt Deum homines propter plagam grandinis : quoniam magna facta est vehementer.Select Revelation 16:21