Revelation 8
Latin, Vulgata Clementina
Translation: VULGATE
Modern translations such as the NIV or ESV are not available yet. They need a license, and we will add them when one is in place. All translations and their sources
1Et cum aperuisset sigillum septimum, factum est silentium in cælo, quasi media hora.Select Revelation 8:1
2Et vidi septem angelos stantes in conspectu Dei : et datæ sunt illis septem tubæ.Select Revelation 8:2
3Et alius angelus venit, et stetit ante altare habens thuribulum aureum : et data sunt illi incensa multa, ut daret de orationibus sanctorum omnium super altare aureum, quod est ante thronum Dei.Select Revelation 8:3
4Et ascendit fumus incensorum de orationibus sanctorum de manu angeli coram Deo.Select Revelation 8:4
5Et accepit angelus thuribulum, et implevit illud de igne altaris, et misit in terram : et facta sunt tonitrua, et voces, et fulgura, et terræmotus magnus.Select Revelation 8:5
6Et septem angeli, qui habebant septem tubas, præparaverunt se ut tuba canerent.Select Revelation 8:6
7Et primus angelus tuba cecinit, et facta est grando, et ignis, mista in sanguine, et missum est in terram, et tertia pars terræ combusta est, et tertia pars arborum concremata est, et omne fœnum viride combustum est.Select Revelation 8:7
8Et secundus angelus tuba cecinit : et tamquam mons magnus igne ardens missus est in mare, et facta est tertia pars maris sanguis,Select Revelation 8:8
9et mortua est tertia pars creaturæ eorum, quæ habebant animas in mari, et tertia pars navium interiit.Select Revelation 8:9
10Et tertius angelus tuba cecinit : et cecidit de cælo stella magna, ardens tamquam facula, et cecidit in tertiam partem fluminum, et in fontes aquarum :Select Revelation 8:10
11et nomen stellæ dicitur Absinthium, et facta est tertia pars aquarum in absinthium ; et multi hominum mortui sunt de aquis, quia amaræ factæ sunt.Select Revelation 8:11
12Et quartus angelus tuba cecinit : et percussa est tertia pars solis, et tertia pars lunæ, et tertia pars stellarum, ita ut obscuraretur tertia pars eorum, et diei non luceret pars tertia, et noctis similiter.Select Revelation 8:12
13Et vidi, et audivi vocem unius aquilæ volantis per medium cæli dicentis voce magna : Væ, væ, væ habitantibus in terra de ceteris vocibus trium angelorum, qui erant tuba canituri.Select Revelation 8:13
Latin, Vulgata Clementina (VULGATE). Public domain. Text from the CrossWire Bible Society module. About this translation