13John 13

1Ante diem festum Paschæ, sciens Jesus quia venit hora ejus ut transeat ex hoc mundo ad Patrem : cum dilexisset suos, qui erant in mundo, in finem dilexit eos.Select John 13:1

2Et cœna facta, cum diabolus jam misisset in cor ut traderet eum Judas Simonis Iscariotæ :Select John 13:2

3sciens quia omnia dedit ei Pater in manus, et quia a Deo exivit, et ad Deum vadit :Select John 13:3

4surgit a cœna, et ponit vestimenta sua, et cum accepisset linteum, præcinxit se.Select John 13:4

5Deinde mittit aquam in pelvim, et cœpit lavare pedes discipulorum, et extergere linteo, quo erat præcinctus.Select John 13:5

6Venit ergo ad Simonem Petrum. Et dicit ei Petrus : Domine, tu mihi lavas pedes ?Select John 13:6

7Respondit Jesus, et dixit ei : Quod ego facio, tu nescis modo : scies autem postea.Select John 13:7

8Dicit ei Petrus : Non lavabis mihi pedes in æternum. Respondit ei Jesus : Si non lavero te, non habebis partem mecum.Select John 13:8

9Dicit ei Simon Petrus : Domine, non tantum pedes meos, sed et manus, et caput.Select John 13:9

10Dicit ei Jesus : Qui lotus est, non indiget nisi ut pedes lavet, sed est mundus totus. Et vos mundi estis, sed non omnes.Select John 13:10

11Sciebat enim quisnam esset qui traderet eum ; propterea dixit : Non estis mundi omnes.Select John 13:11

12Postquam ergo lavit pedes eorum, et accepit vestimenta sua, cum recubuisset iterum, dixit eis : Scitis quid fecerim vobis ?Select John 13:12

13Vos vocatis me Magister et Domine, et bene dicitis : sum etenim.Select John 13:13

14Si ergo ego lavi pedes vestros, Dominus et Magister, et vos debetis alter alterius lavare pedes.Select John 13:14

15Exemplum enim dedi vobis, ut quemadmodum ego feci vobis, ita et vos faciatis.Select John 13:15

16Amen, amen dico vobis : non est servus major domino suo : neque apostolus major est eo qui misit illum.Select John 13:16

17Si hæc scitis, beati eritis si feceritis ea.Select John 13:17

18Non de omnibus vobis dico : ego scio quos elegerim ; sed ut adimpleatur Scriptura : Qui manducat mecum panem, levabit contra me calcaneum suum.Select John 13:18

19Amodo dico vobis, priusquam fiat : ut cum factum fuerit, credatis quia ego sum.Select John 13:19

20Amen, amen dico vobis : qui accipit si quem misero, me accipit ; qui autem me accipit, accipit eum qui me misit.Select John 13:20

21Cum hæc dixisset Jesus, turbatus est spiritu : et protestatus est, et dixit : Amen, amen dico vobis, quia unus ex vobis tradet me.Select John 13:21

22Aspiciebant ergo ad invicem discipuli, hæsitantes de quo diceret.Select John 13:22

23Erat ergo recumbens unus ex discipulis ejus in sinu Jesu, quem diligebat Jesus.Select John 13:23

24Innuit ergo huic Simon Petrus, et dixit ei : Quis est, de quo dicit ?Select John 13:24

25Itaque cum recubuisset ille supra pectus Jesu, dicit ei : Domine, quis est ?Select John 13:25

26Respondit Jesus : Ille est cui ego intinctum panem porrexero. Et cum intinxisset panem, dedit Judæ Simonis Iscariotæ.Select John 13:26

27Et post buccellam, introivit in eum Satanas. Et dixit ei Jesus : Quod facis, fac citius.Select John 13:27

28Hoc autem nemo scivit discumbentium ad quid dixerit ei.Select John 13:28

29Quidam enim putabant, quia loculos habebat Judas, quod dixisset ei Jesus : Eme ea quæ opus sunt nobis ad diem festum : aut egenis ut aliquid daret.Select John 13:29

30Cum ergo accepisset ille buccellam, exivit continuo. Erat autem nox.Select John 13:30

31Cum ergo exisset, dixit Jesus : Nunc clarificatus est Filius hominis, et Deus clarificatus est in eo.Select John 13:31

32Si Deus clarificatus est in eo, et Deus clarificabit eum in semetipso : et continuo clarificabit eum.Select John 13:32

33Filioli, adhuc modicum vobiscum sum. Quæretis me ; et sicut dixi Judæis, quo ego vado, vos non potestis venire : et vobis dico modo.Select John 13:33

34Mandatum novum do vobis : ut diligatis invicem : sicut dilexi vos, ut et vos diligatis invicem.Select John 13:34

35In hoc cognoscent omnes quia discipuli mei estis, si dilectionem habueritis ad invicem.Select John 13:35

36Dicit ei Simon Petrus : Domine, quo vadis ? Respondit Jesus : Quo ego vado non potes me modo sequi : sequeris autem postea.Select John 13:36

37Dicit ei Petrus : Quare non possum te sequi modo ? animam meam pro te ponam.Select John 13:37

38Respondit ei Jesus : Animam tuam pro me pones ? amen, amen dico tibi : non cantabit gallus, donec ter me neges.Select John 13:38