18John 18

1Hæc cum dixisset Jesus, egressus est cum discipulis suis trans torrentem Cedron, ubi erat hortus, in quem introivit ipse, et discipuli ejus.Select John 18:1

2Sciebat autem et Judas, qui tradebat eum, locum : quia frequenter Jesus convenerat illuc cum discipulis suis.Select John 18:2

3Judas ergo cum accepisset cohortem, et a pontificibus et pharisæis ministros, venit illuc cum laternis, et facibus, et armis.Select John 18:3

4Jesus itaque sciens omnia quæ ventura erant super eum, processit, et dixit eis : Quem quæritis ?Select John 18:4

5Responderunt ei : Jesum Nazarenum. Dicit eis Jesus : Ego sum. Stabat autem et Judas, qui tradebat eum, cum ipsis.Select John 18:5

6Ut ergo dixit eis : Ego sum : abierunt retrorsum, et ceciderunt in terram.Select John 18:6

7Iterum ergo interrogavit eos : Quem quæritis ? Illi autem dixerunt : Jesum Nazarenum.Select John 18:7

8Respondit Jesus : Dixi vobis, quia ego sum : si ergo me quæritis, sinite hos abire.Select John 18:8

9Ut impleretur sermo, quem dixit : Quia quos dedisti mihi, non perdidi ex eis quemquam.Select John 18:9

10Simon ergo Petrus habens gladium eduxit eum : et percussit pontificis servum, et abscidit auriculam ejus dexteram. Erat autem nomen servo Malchus.Select John 18:10

11Dixit ergo Jesus Petro : Mitte gladium tuum in vaginam. Calicem, quem dedit mihi Pater, non bibam illum ?Select John 18:11

12Cohors ergo, et tribunus, et ministri Judæorum comprehenderunt Jesum, et ligaverunt eum.Select John 18:12

13Et adduxerunt eum ad Annam primum : erat enim socer Caiphæ, qui erat pontifex anni illius.Select John 18:13

14Erat autem Caiphas, qui consilium dederat Judæis : Quia expedit unum hominem mori pro populo.Select John 18:14

15Sequebatur autem Jesum Simon Petrus, et alius discipulus. Discipulus autem ille erat notus pontifici, et introivit cum Jesu in atrium pontificis.Select John 18:15

16Petrus autem stabat ad ostium foris. Exivit ergo discipulus alius, qui erat notus pontifici, et dixit ostiariæ : et introduxit Petrum.Select John 18:16

17Dicit ergo Petro ancilla ostiaria : Numquid et tu ex discipulis es hominis istius ? Dicit ille : Non sum.Select John 18:17

18Stabant autem servi et ministri ad prunas, quia frigus erat, et calefaciebant se : erat autem cum eis et Petrus stans, et calefaciens se.Select John 18:18

19Pontifex ergo interrogavit Jesum de discipulis suis, et de doctrina ejus.Select John 18:19

20Respondit ei Jesus : Ego palam locutus sum mundo : ego semper docui in synagoga, et in templo, quo omnes Judæi conveniunt, et in occulto locutus sum nihil.Select John 18:20

21Quid me interrogas ? interroga eos qui audierunt quid locutus sim ipsis : ecce hi sciunt quæ dixerim ego.Select John 18:21

22Hæc autem cum dixisset, unus assistens ministrorum dedit alapam Jesu, dicens : Sic respondes pontifici ?Select John 18:22

23Respondit ei Jesus : Si male locutus sum, testimonium perhibe de malo : si autem bene, quid me cædis ?Select John 18:23

24Et misit eum Annas ligatum ad Caipham pontificem.Select John 18:24

25Erat autem Simon Petrus stans, et calefaciens se. Dixerunt ergo ei : Numquid et tu ex discipulis ejus es ? Negavit ille, et dixit : Non sum.Select John 18:25

26Dicit ei unus ex servis pontificis, cognatus ejus, cujus abscidit Petrus auriculam : Nonne ego te vidi in horto cum illo ?Select John 18:26

27Iterum ergo negavit Petrus : et statim gallus cantavit.Select John 18:27

28Adducunt ergo Jesum a Caipha in prætorium. Erat autem mane : et ipsi non introierunt in prætorium, ut non contaminarentur, sed ut manducarent Pascha.Select John 18:28

29Exivit ergo Pilatus ad eos foras, et dixit : Quam accusationem affertis adversus hominem hunc ?Select John 18:29

30Responderunt, et dixerunt ei : Si non esset hic malefactor, non tibi tradidissemus eum.Select John 18:30

31Dixit ergo eis Pilatus : Accipite eum vos, et secundum legem vestram judicate eum. Dixerunt ergo ei Judæi : Nobis non licet interficere quemquam.Select John 18:31

32Ut sermo Jesu impleretur, quem dixit, significans qua morte esset moriturus.Select John 18:32

33Introivit ergo iterum in prætorium Pilatus : et vocavit Jesum, et dixit ei : Tu es rex Judæorum ?Select John 18:33

34Respondit Jesus : A temetipso hoc dicis, an alii dixerunt tibi de me ?Select John 18:34

35Respondit Pilatus : Numquid ego Judæus sum ? gens tua et pontifices tradiderunt te mihi : quid fecisti ?Select John 18:35

36Respondit Jesus : Regnum meum non est de hoc mundo. Si ex hoc mundo esset regnum meum, ministri mei utique decertarent ut non traderer Judæis : nunc autem regnum meum non est hinc.Select John 18:36

37Dixit itaque ei Pilatus : Ergo rex es tu ? Respondit Jesus : Tu dicis quia rex sum ego. Ego in hoc natus sum, et ad hoc veni in mundum, ut testimonium perhibeam veritati : omnis qui est ex veritate, audit vocem meam.Select John 18:37

38Dicit ei Pilatus : Quid est veritas ? Et cum hoc dixisset, iterum exivit ad Judæos, et dicit eis : Ego nullam invenio in eo causam.Select John 18:38

39Est autem consuetudo vobis ut unum dimittam vobis in Pascha : vultis ergo dimittam vobis regem Judæorum ?Select John 18:39

40Clamaverunt ergo rursum omnes, dicentes : Non hunc, sed Barabbam. Erat autem Barabbas latro.Select John 18:40