4John 4

1Ut ergo cognovit Jesus quia audierunt pharisæi quod Jesus plures discipulos facit, et baptizat, quam JoannesSelect John 4:1

2(quamquam Jesus non baptizaret, sed discipuli ejus),Select John 4:2

3reliquit Judæam, et abiit iterum in Galilæam.Select John 4:3

4Oportebat autem eum transire per Samariam.Select John 4:4

5Venit ergo in civitatem Samariæ, quæ dicitur Sichar, juxta prædium quod dedit Jacob Joseph filio suo.Select John 4:5

6Erat autem ibi fons Jacob. Jesus ergo fatigatus ex itinere, sedebat sic supra fontem. Hora erat quasi sexta.Select John 4:6

7Venit mulier de Samaria haurire aquam. Dicit ei Jesus : Da mihi bibere.Select John 4:7

8(Discipuli enim ejus abierant in civitatem ut cibos emerent.)Select John 4:8

9Dicit ergo ei mulier illa Samaritana : Quomodo tu, Judæus cum sis, bibere a me poscis, quæ sum mulier Samaritana ? non enim coutuntur Judæi Samaritanis.Select John 4:9

10Respondit Jesus, et dixit ei : Si scires donum Dei, et quis est qui dicit tibi : Da mihi bibere, tu forsitan petisses ab eo, et dedisset tibi aquam vivam.Select John 4:10

11Dicit ei mulier : Domine, neque in quo haurias habes, et puteus altus est : unde ergo habes aquam vivam ?Select John 4:11

12Numquid tu major es patre nostro Jacob, qui dedit nobis puteum, et ipse ex eo bibit, et filii ejus, et pecora ejus ?Select John 4:12

13Respondit Jesus, et dixit ei : Omnis qui bibit ex aqua hac, sitiet iterum ; qui autem biberit ex aqua quam ego dabo ei, non sitiet in æternum :Select John 4:13

14sed aqua quam ego dabo ei, fiet in eo fons aquæ salientis in vitam æternam.Select John 4:14

15Dicit ad eum mulier : Domine, da mihi hanc aquam, ut non sitiam, neque veniam huc haurire.Select John 4:15

16Dicit ei Jesus : Vade, voca virum tuum, et veni huc.Select John 4:16

17Respondit mulier, et dixit : Non habeo virum. Dicit ei Jesus : Bene dixisti, quia non habeo virum ;Select John 4:17

18quinque enim viros habuisti, et nunc, quem habes, non est tuus vir : hoc vere dixisti.Select John 4:18

19Dicit ei mulier : Domine, video quia propheta es tu.Select John 4:19

20Patres nostri in monte hoc adoraverunt, et vos dicitis, quia Jerosolymis est locus ubi adorare oportet.Select John 4:20

21Dicit ei Jesus : Mulier, crede mihi, quia venit hora, quando neque in monte hoc, neque in Jerosolymis adorabitis Patrem.Select John 4:21

22Vos adoratis quod nescitis : nos adoramus quod scimus, quia salus ex Judæis est.Select John 4:22

23Sed venit hora, et nunc est, quando veri adoratores adorabunt Patrem in spiritu et veritate. Nam et Pater tales quærit, qui adorent eum.Select John 4:23

24Spiritus est Deus : et eos qui adorant eum, in spiritu et veritate oportet adorare.Select John 4:24

25Dicit ei mulier : Scio quia Messias venit (qui dicitur Christus) : cum ergo venerit ille, nobis annuntiabit omnia.Select John 4:25

26Dicit ei Jesus : Ego sum, qui loquor tecum.Select John 4:26

27Et continuo venerunt discipuli ejus, et mirabantur quia cum muliere loquebatur. Nemo tamen dixit : Quid quæris ? aut, Quid loqueris cum ea ?Select John 4:27

28Reliquit ergo hydriam suam mulier, et abiit in civitatem, et dicit illis hominibus :Select John 4:28

29Venite, et videte hominem qui dixit mihi omnia quæcumque feci : numquid ipse est Christus ?Select John 4:29

30Exierunt ergo de civitate et veniebant ad eum.Select John 4:30

31Interea rogabant eum discipuli, dicentes : Rabbi, manduca.Select John 4:31

32Ille autem dicit eis : Ego cibum habeo manducare, quem vos nescitis.Select John 4:32

33Dicebant ergo discipuli ad invicem : Numquid aliquis attulit ei manducare ?Select John 4:33

34Dicit eis Jesus : Meus cibus est ut faciam voluntatem ejus qui misit me, ut perficiam opus ejus.Select John 4:34

35Nonne vos dicitis quod adhuc quatuor menses sunt, et messis venit ? Ecce dico vobis : levate oculos vestros, et videte regiones, quia albæ sunt jam ad messem.Select John 4:35

36Et qui metit, mercedem accipit, et congregat fructum in vitam æternam : ut et qui seminat, simul gaudeat, et qui metit.Select John 4:36

37In hoc enim est verbum verum : quia alius est qui seminat, et alius est qui metit.Select John 4:37

38Ego misi vos metere quod vos non laborastis : alii laboraverunt, et vos in labores eorum introistis.Select John 4:38

39Ex civitate autem illa multi crediderunt in eum Samaritanorum, propter verbum mulieris testimonium perhibentis : Quia dixit mihi omnia quæcumque feci.Select John 4:39

40Cum venissent ergo ad illum Samaritani, rogaverunt eum ut ibi maneret. Et mansit ibi duos dies.Select John 4:40

41Et multo plures crediderunt in eum propter sermonem ejus.Select John 4:41

42Et mulieri dicebant : Quia jam non propter tuam loquelam credimus : ipsi enim audivimus, et scimus quia hic est vere Salvator mundi.Select John 4:42

43Post duos autem dies exiit inde, et abiit in Galilæam.Select John 4:43

44Ipse enim Jesus testimonium perhibuit, quia propheta in sua patria honorem non habet.Select John 4:44

45Cum ergo venisset in Galilæam, exceperunt eum Galilæi, cum omnia vidissent quæ fecerat Jerosolymis in die festo : et ipsi enim venerant ad diem festum.Select John 4:45

46Venit ergo iterum in Cana Galilææ, ubi fecit aquam vinum. Et erat quidam regulus, cujus filius infirmabatur Capharnaum.Select John 4:46

47Hic cum audisset quia Jesus adveniret a Judæa in Galilæam, abiit ad eum, et rogabat eum ut descenderet, et sanaret filium ejus : incipiebat enim mori.Select John 4:47

48Dixit ergo Jesus ad eum : Nisi signa et prodigia videritis, non creditis.Select John 4:48

49Dicit ad eum regulus : Domine, descende priusquam moriatur filius meus.Select John 4:49

50Dicit ei Jesus : Vade, filius tuus vivit. Credidit homo sermoni quem dixit ei Jesus, et ibat.Select John 4:50

51Jam autem eo descendente, servi occurrerunt ei, et nuntiaverunt dicentes, quia filius ejus viveret.Select John 4:51

52Interrogabat ergo horam ab eis in qua melius habuerit. Et dixerunt ei : Quia heri hora septima reliquit eum febris.Select John 4:52

53Cognovit ergo pater, quia illa hora erat in qua dixit ei Jesus : Filius tuus vivit ; et credidit ipse et domus ejus tota.Select John 4:53

54Hoc iterum secundum signum fecit Jesus, cum venisset a Judæa in Galilæam.Select John 4:54