13Job 13

1Ecce omnia hæc vidit oculus meus, et audivit auris mea, et intellexi singula.Select Job 13:1

2Secundum scientiam vestram et ego novi : nec inferior vestri sum.Select Job 13:2

3Sed tamen ad Omnipotentem loquar, et disputare cum Deo cupio :Select Job 13:3

4prius vos ostendens fabricatores mendacii, et cultores perversorum dogmatum.Select Job 13:4

5Atque utinam taceretis, ut putaremini esse sapientes.Select Job 13:5

6Audite ergo correptionem meam, et judicium labiorum meorum attendite.Select Job 13:6

7Numquid Deus indiget vestro mendacio, ut pro illo loquamini dolos ?Select Job 13:7

8numquid faciem ejus accipitis, et pro Deo judicare nitimini ?Select Job 13:8

9aut placebit ei quem celare nihil potest ? aut decipietur, ut homo, vestris fraudulentiis ?Select Job 13:9

10Ipse vos arguet, quoniam in abscondito faciem ejus accipitis.Select Job 13:10

11Statim ut se commoverit, turbabit vos, et terror ejus irruet super vos.Select Job 13:11

12Memoria vestra comparabitur cineri, et redigentur in lutum cervices vestræ.Select Job 13:12

13Tacete paulisper, ut loquar quodcumque mihi mens suggesserit.Select Job 13:13

14Quare lacero carnes meas dentibus meis, et animam meam porto in manibus meis ?Select Job 13:14

15Etiam si occiderit me, in ipso sperabo : verumtamen vias meas in conspectu ejus arguam.Select Job 13:15

16Et ipse erit salvator meus : non enim veniet in conspectu ejus omnis hypocrita.Select Job 13:16

17Audite sermonem meum, et ænigmata percipite auribus vestris.Select Job 13:17

18Si fuero judicatus, scio quod justus inveniar.Select Job 13:18

19Quis est qui judicetur mecum ? veniat : quare tacens consumor ?Select Job 13:19

20Duo tantum ne facias mihi, et tunc a facie tua non abscondar :Select Job 13:20

21manum tuam longe fac a me, et formido tua non me terreat.Select Job 13:21

22Voca me, et ego respondebo tibi : aut certe loquar, et tu responde mihi.Select Job 13:22

23Quantas habeo iniquitates et peccata ? scelera mea et delicta ostende mihi.Select Job 13:23

24Cur faciem tuam abscondis, et arbitraris me inimicum tuum ?Select Job 13:24

25Contra folium, quod vento rapitur, ostendis potentiam tuam, et stipulam siccam persequeris :Select Job 13:25

26scribis enim contra me amaritudines, et consumere me vis peccatis adolescentiæ meæ.Select Job 13:26

27Posuisti in nervo pedem meum, et observasti omnes semitas meas, et vestigia pedum meorum considerasti :Select Job 13:27

28qui quasi putredo consumendus sum, et quasi vestimentum quod comeditur a tinea.Select Job 13:28