14Job 14

1Homo natus de muliere, brevi vivens tempore, repletur multis miseriis.Select Job 14:1

2Qui quasi flos egreditur et conteritur, et fugit velut umbra, et numquam in eodem statu permanet.Select Job 14:2

3Et dignum ducis super hujuscemodi aperire oculos tuos, et adducere eum tecum in judicium ?Select Job 14:3

4Quis potest facere mundum de immundo conceptum semine ? nonne tu qui solus es ?Select Job 14:4

5Breves dies hominis sunt : numerus mensium ejus apud te est : constituisti terminos ejus, qui præteriri non poterunt.Select Job 14:5

6Recede paululum ab eo, ut quiescat, donec optata veniat, sicut mercenarii, dies ejus.Select Job 14:6

7Lignum habet spem : si præcisum fuerit, rursum virescit, et rami ejus pullulant.Select Job 14:7

8Si senuerit in terra radix ejus, et in pulvere emortuus fuerit truncus illius,Select Job 14:8

9ad odorem aquæ germinabit, et faciet comam, quasi cum primum plantatum est.Select Job 14:9

10Homo vero cum mortuus fuerit, et nudatus, atque consumptus, ubi, quæso, est ?Select Job 14:10

11Quomodo si recedant aquæ de mari, et fluvius vacuefactus arescat :Select Job 14:11

12sic homo, cum dormierit, non resurget : donec atteratur cælum, non evigilabit, nec consurget de somno suo.Select Job 14:12

13Quis mihi hoc tribuat, ut in inferno protegas me, et abscondas me donec pertranseat furor tuus, et constituas mihi tempus in quo recorderis mei ?Select Job 14:13

14Putasne mortuus homo rursum vivat ? cunctis diebus quibus nunc milito, expecto donec veniat immutatio mea.Select Job 14:14

15Vocabis me, et ego respondebo tibi : operi manuum tuarum porriges dexteram.Select Job 14:15

16Tu quidem gressus meos dinumerasti : sed parce peccatis meis.Select Job 14:16

17Signasti quasi in sacculo delicta mea, sed curasti iniquitatem meam.Select Job 14:17

18Mons cadens defluit, et saxum transfertur de loco suo :Select Job 14:18

19lapides excavant aquæ, et alluvione paulatim terra consumitur : et hominem ergo similiter perdes.Select Job 14:19

20Roborasti eum paululum, ut in perpetuum transiret : immutabis faciem ejus, et emittes eum.Select Job 14:20

21Sive nobiles fuerint filii ejus, sive ignobiles, non intelliget.Select Job 14:21

22Attamen caro ejus, dum vivet, dolebit, et anima illius super semetipso lugebit.Select Job 14:22