17Job 17

1Spiritus meus attenuabitur ; dies mei breviabuntur : et solum mihi superest sepulchrum.Select Job 17:1

2Non peccavi, et in amaritudinibus moratur oculus meus.Select Job 17:2

3Libera me, Domine, et pone me juxta te, et cujusvis manus pugnet contra me.Select Job 17:3

4Cor eorum longe fecisti a disciplina : propterea non exaltabuntur.Select Job 17:4

5Prædam pollicetur sociis, et oculi filiorum ejus deficient.Select Job 17:5

6Posuit me quasi in proverbium vulgi, et exemplum sum coram eis.Select Job 17:6

7Caligavit ab indignatione oculus meus, et membra mea quasi in nihilum redacta sunt.Select Job 17:7

8Stupebunt justi super hoc, et innocens contra hypocritam suscitabitur.Select Job 17:8

9Et tenebit justus viam suam, et mundis manibus addet fortitudinem.Select Job 17:9

10Igitur omnes vos convertimini, et venite, et non inveniam in vobis ullum sapientem.Select Job 17:10

11Dies mei transierunt ; cogitationes meæ dissipatæ sunt, torquentes cor meum.Select Job 17:11

12Noctem verterunt in diem, et rursum post tenebras spero lucem.Select Job 17:12

13Si sustinuero, infernus domus mea est, et in tenebris stravi lectulum meum.Select Job 17:13

14Putredini dixi : Pater meus es ; Mater mea, et soror mea, vermibus.Select Job 17:14

15Ubi est ergo nunc præstolatio mea ? et patientiam meam quis considerat ?Select Job 17:15

16In profundissimum infernum descendent omnia mea : putasne saltem ibi erit requies mihi ?Select Job 17:16