26Job 26

1Respondens autem Job dixit :Select Job 26:1

2Cujus adjutor es ? numquid imbecillis ? et sustentas brachium ejus qui non est fortis ?Select Job 26:2

3Cui dedisti consilium ? forsitan illi qui non habet sapientiam : et prudentiam tuam ostendisti plurimam.Select Job 26:3

4Quem docere voluisti ? nonne eum qui fecit spiramentum ?Select Job 26:4

5Ecce gigantes gemunt sub aquis, et qui habitant cum eis.Select Job 26:5

6Nudus est infernus coram illo, et nullum est operimentum perditioni.Select Job 26:6

7Qui extendit aquilonem super vacuum, et appendit terram super nihilum.Select Job 26:7

8Qui ligat aquas in nubibus suis, ut non erumpant pariter deorsum.Select Job 26:8

9Qui tenet vultum solii sui, et expandit super illud nebulam suam.Select Job 26:9

10Terminum circumdedit aquis, usque dum finiantur lux et tenebræ.Select Job 26:10

11Columnæ cæli contremiscunt, et pavent ad nutum ejus.Select Job 26:11

12In fortitudine illius repente maria congregata sunt, et prudentia ejus percussit superbum.Select Job 26:12

13Spiritus ejus ornavit cælos, et obstetricante manu ejus, eductus est coluber tortuosus.Select Job 26:13

14Ecce hæc ex parte dicta sunt viarum ejus : et cum vix parvam stillam sermonis ejus audierimus, quis poterit tonitruum magnitudinis illius intueri ?Select Job 26:14