28Job 28

1Habet argentum venarum suarum principia, et auro locus est in quo conflatur.Select Job 28:1

2Ferrum de terra tollitur, et lapis solutus calore in æs vertitur.Select Job 28:2

3Tempus posuit tenebris, et universorum finem ipse considerat : lapidem quoque caliginis et umbram mortis.Select Job 28:3

4Dividit torrens a populo peregrinante eos quos oblitus est pes egentis hominis, et invios.Select Job 28:4

5Terra de qua oriebatur panis, in loco suo igni subversa est.Select Job 28:5

6Locus sapphiri lapides ejus, et glebæ illius aurum.Select Job 28:6

7Semitam ignoravit avis, nec intuitus est eam oculus vulturis.Select Job 28:7

8Non calcaverunt eam filii institorum, nec pertransivit per eam leæna.Select Job 28:8

9Ad silicem extendit manum suam : subvertit a radicibus montes.Select Job 28:9

10In petris rivos excidit, et omne pretiosum vidit oculus ejus.Select Job 28:10

11Profunda quoque fluviorum scrutatus est, et abscondita in lucem produxit.Select Job 28:11

12Sapientia vero ubi invenitur ? et quis est locus intelligentiæ ?Select Job 28:12

13Nescit homo pretium ejus, nec invenitur in terra suaviter viventium.Select Job 28:13

14Abyssus dicit : Non est in me, et mare loquitur : Non est mecum.Select Job 28:14

15Non dabitur aurum obrizum pro ea, nec appendetur argentum in commutatione ejus.Select Job 28:15

16Non conferetur tinctis Indiæ coloribus, nec lapidi sardonycho pretiosissimo vel sapphiro.Select Job 28:16

17Non adæquabitur ei aurum vel vitrum, nec commutabuntur pro ea vasa auri.Select Job 28:17

18Excelsa et eminentia non memorabuntur comparatione ejus : trahitur autem sapientia de occultis.Select Job 28:18

19Non adæquabitur ei topazius de Æthiopia, nec tincturæ mundissimæ componetur.Select Job 28:19

20Unde ergo sapientia venit ? et quis est locus intelligentiæ ?Select Job 28:20

21Abscondita est ab oculis omnium viventium : volucres quoque cæli latet.Select Job 28:21

22Perditio et mors dixerunt : Auribus nostris audivimus famam ejus.Select Job 28:22

23Deus intelligit viam ejus, et ipse novit locum illius.Select Job 28:23

24Ipse enim fines mundi intuetur, et omnia quæ sub cælo sunt respicit.Select Job 28:24

25Qui fecit ventis pondus, et aquas appendit in mensura.Select Job 28:25

26Quando ponebat pluviis legem, et viam procellis sonantibus :Select Job 28:26

27tunc vidit illam et enarravit, et præparavit, et investigavit.Select Job 28:27

28Et dixit homini : Ecce timor Domini, ipsa est sapientia ; et recedere a malo, intelligentia.Select Job 28:28