1Proverbs 1

1Parabolæ Salomonis, filii David, regis Israël,Select Proverbs 1:1

2ad sciendam sapientiam et disciplinam ;Select Proverbs 1:2

3ad intelligenda verba prudentiæ, et suscipiendam eruditionem doctrinæ, justitiam, et judicium, et æquitatem :Select Proverbs 1:3

4ut detur parvulis astutia, adolescenti scientia et intellectus.Select Proverbs 1:4

5Audiens sapiens, sapientior erit, et intelligens gubernacula possidebit.Select Proverbs 1:5

6Animadvertet parabolam et interpretationem, verba sapientum et ænigmata eorum.Select Proverbs 1:6

7Timor Domini principium sapientiæ ; sapientiam atque doctrinam stulti despiciunt.Select Proverbs 1:7

8Audi, fili mi, disciplinam patris tui, et ne dimittas legem matris tuæ :Select Proverbs 1:8

9ut addatur gratia capiti tuo, et torques collo tuo.Select Proverbs 1:9

10Fili mi, si te lactaverint peccatores, ne acquiescas eis.Select Proverbs 1:10

11Si dixerint : Veni nobiscum, insidiemur sanguini ; abscondamus tendiculas contra insontem frustra ;Select Proverbs 1:11

12deglutiamus eum sicut infernus viventem, et integrum quasi descendentem in lacum ;Select Proverbs 1:12

13omnem pretiosam substantiam reperiemus ; implebimus domos nostras spoliis :Select Proverbs 1:13

14sortem mitte nobiscum, marsupium unum sit omnium nostrum :Select Proverbs 1:14

15fili mi, ne ambules cum eis ; prohibe pedem tuum a semitis eorum :Select Proverbs 1:15

16pedes enim illorum ad malum currunt, et festinant ut effundant sanguinem.Select Proverbs 1:16

17Frustra autem jacitur rete ante oculos pennatorum.Select Proverbs 1:17

18Ipsi quoque contra sanguinem suum insidiantur, et moliuntur fraudes contra animas suas.Select Proverbs 1:18

19Sic semitæ omnis avari : animas possidentium rapiunt.Select Proverbs 1:19

20Sapientia foris prædicat ; in plateis dat vocem suam :Select Proverbs 1:20

21in capite turbarum clamitat ; in foribus portarum urbis profert verba sua, dicens :Select Proverbs 1:21

22Usquequo, parvuli, diligitis infantiam, et stulti ea quæ sibi sunt noxia cupient, et imprudentes odibunt scientiam ?Select Proverbs 1:22

23convertimini ad correptionem meam. En proferam vobis spiritum meum, et ostendam vobis verba mea.Select Proverbs 1:23

24Quia vocavi, et renuistis ; extendi manum meam, et non fuit qui aspiceret :Select Proverbs 1:24

25despexistis omne consilium meum, et increpationes meas neglexistis.Select Proverbs 1:25

26Ego quoque in interitu vestro ridebo, et subsannabo cum vobis id quod timebatis advenerit.Select Proverbs 1:26

27Cum irruerit repentina calamitas, et interitus quasi tempestas ingruerit ; quando venerit super vos tribulatio et angustia :Select Proverbs 1:27

28tunc invocabunt me, et non exaudiam ; mane consurgent, et non invenient me :Select Proverbs 1:28

29eo quod exosam habuerint disciplinam, et timorem Domini non susceperint,Select Proverbs 1:29

30nec acquieverint consilio meo, et detraxerint universæ correptioni meæ.Select Proverbs 1:30

31Comedent igitur fructus viæ suæ, suisque consiliis saturabuntur.Select Proverbs 1:31

32Aversio parvulorum interficiet eos, et prosperitas stultorum perdet illos.Select Proverbs 1:32

33Qui autem me audierit, absque terrore requiescet, et abundantia perfruetur, timore malorum sublato.Select Proverbs 1:33