10Proverbs 10

1Filius sapiens lætificat patrem, filius vero stultus mœstitia est matris suæ.Select Proverbs 10:1

2Nil proderunt thesauri impietatis, justitia vero liberabit a morte.Select Proverbs 10:2

3Non affliget Dominus fame animam justi, et insidias impiorum subvertet.Select Proverbs 10:3

4Egestatem operata est manus remissa ; manus autem fortium divitias parat. Qui nititur mendaciis, hic pascit ventos ; idem autem ipse sequitur aves volantes.Select Proverbs 10:4

5Qui congregat in messe, filius sapiens est ; qui autem stertit æstate, filius confusionis.Select Proverbs 10:5

6Benedictio Domini super caput justi ; os autem impiorum operit iniquitas.Select Proverbs 10:6

7Memoria justi cum laudibus, et nomen impiorum putrescet.Select Proverbs 10:7

8Sapiens corde præcepta suscipit ; stultus cæditur labiis.Select Proverbs 10:8

9Qui ambulat simpliciter ambulat confidenter ; qui autem depravat vias suas manifestus erit.Select Proverbs 10:9

10Qui annuit oculo dabit dolorem ; et stultus labiis verberabitur.Select Proverbs 10:10

11Vena vitæ os justi, et os impiorum operit iniquitatem.Select Proverbs 10:11

12Odium suscitat rixas, et universa delicta operit caritas.Select Proverbs 10:12

13In labiis sapientis invenitur sapientia, et virga in dorso ejus qui indiget corde.Select Proverbs 10:13

14Sapientes abscondunt scientiam ; os autem stulti confusioni proximum est.Select Proverbs 10:14

15Substantia divitis, urbs fortitudinis ejus ; pavor pauperum egestas eorum.Select Proverbs 10:15

16Opus justi ad vitam, fructus autem impii ad peccatum.Select Proverbs 10:16

17Via vitæ custodienti disciplinam ; qui autem increpationes relinquit, errat.Select Proverbs 10:17

18Abscondunt odium labia mendacia ; qui profert contumeliam, insipiens est.Select Proverbs 10:18

19In multiloquio non deerit peccatum, qui autem moderatur labia sua prudentissimus est.Select Proverbs 10:19

20Argentum electum lingua justi ; cor autem impiorum pro nihilo.Select Proverbs 10:20

21Labia justi erudiunt plurimos ; qui autem indocti sunt in cordis egestate morientur.Select Proverbs 10:21

22Benedictio Domini divites facit, nec sociabitur eis afflictio.Select Proverbs 10:22

23Quasi per risum stultus operatur scelus, sapientia autem est viro prudentia.Select Proverbs 10:23

24Quod timet impius veniet super eum ; desiderium suum justus dabitur.Select Proverbs 10:24

25Quasi tempestas transiens non erit impius ; justus autem quasi fundamentum sempiternum.Select Proverbs 10:25

26Sicut acetum dentibus, et fumus oculis, sic piger his qui miserunt eum.Select Proverbs 10:26

27Timor Domini apponet dies, et anni impiorum breviabuntur.Select Proverbs 10:27

28Exspectatio justorum lætitia, spes autem impiorum peribit.Select Proverbs 10:28

29Fortitudo simplicis via Domini, et pavor his qui operantur malum.Select Proverbs 10:29

30Justus in æternum non commovebitur, impii autem non habitabunt super terram.Select Proverbs 10:30

31Os justi parturiet sapientiam ; lingua pravorum peribit.Select Proverbs 10:31

32Labia justi considerant placita, et os impiorum perversa.Select Proverbs 10:32