11Proverbs 11

1Statera dolosa abominatio est apud Dominum, et pondus æquum voluntas ejus.Select Proverbs 11:1

2Ubi fuerit superbia, ibi erit et contumelia ; ubi autem est humilitas, ibi et sapientia.Select Proverbs 11:2

3Simplicitas justorum diriget eos, et supplantatio perversorum vastabit illos.Select Proverbs 11:3

4Non proderunt divitiæ in die ultionis ; justitia autem liberabit a morte.Select Proverbs 11:4

5Justitia simplicis diriget viam ejus, et in impietate sua corruet impius.Select Proverbs 11:5

6Justitia rectorum liberabit eos, et in insidiis suis capientur iniqui.Select Proverbs 11:6

7Mortuo homine impio, nulla erit ultra spes, et exspectatio sollicitorum peribit.Select Proverbs 11:7

8Justus de angustia liberatus est, et tradetur impius pro eo.Select Proverbs 11:8

9Simulator ore decipit amicum suum ; justi autem liberabuntur scientia.Select Proverbs 11:9

10In bonis justorum exsultabit civitas, et in perditione impiorum erit laudatio.Select Proverbs 11:10

11Benedictione justorum exaltabitur civitas, et ore impiorum subvertetur.Select Proverbs 11:11

12Qui despicit amicum suum indigens corde est ; vir autem prudens tacebit.Select Proverbs 11:12

13Qui ambulat fraudulenter, revelat arcana ; qui autem fidelis est animi, celat amici commissum.Select Proverbs 11:13

14Ubi non est gubernator, populus corruet ; salus autem, ubi multa consilia.Select Proverbs 11:14

15Affligetur malo qui fidem facit pro extraneo ; qui autem cavet laqueos securus erit.Select Proverbs 11:15

16Mulier gratiosa inveniet gloriam, et robusti habebunt divitias.Select Proverbs 11:16

17Benefacit animæ suæ vir misericors ; qui autem crudelis est, etiam propinquos abjicit.Select Proverbs 11:17

18Impius facit opus instabile, seminanti autem justitiam merces fidelis.Select Proverbs 11:18

19Clementia præparat vitam, et sectatio malorum mortem.Select Proverbs 11:19

20Abominabile Domino cor pravum, et voluntas ejus in iis qui simpliciter ambulant.Select Proverbs 11:20

21Manus in manu non erit innocens malus ; semen autem justorum salvabitur.Select Proverbs 11:21

22Circulus aureus in naribus suis, mulier pulchra et fatua.Select Proverbs 11:22

23Desiderium justorum omne bonum est ; præstolatio impiorum furor.Select Proverbs 11:23

24Alii dividunt propria, et ditiores fiunt ; alii rapiunt non sua, et semper in egestate sunt.Select Proverbs 11:24

25Anima quæ benedicit impinguabitur, et qui inebriat, ipse quoque inebriabitur.Select Proverbs 11:25

26Qui abscondit frumenta maledicetur in populis ; benedictio autem super caput vendentium.Select Proverbs 11:26

27Bene consurgit diluculo qui quærit bona ; qui autem investigator malorum est, opprimetur ab eis.Select Proverbs 11:27

28Qui confidit in divitiis suis corruet : justi autem quasi virens folium germinabunt.Select Proverbs 11:28

29Qui conturbat domum suam possidebit ventos, et qui stultus est serviet sapienti.Select Proverbs 11:29

30Fructus justi lignum vitæ, et qui suscipit animas sapiens est.Select Proverbs 11:30

31Si justus in terra recipit, quanto magis impius et peccator !Select Proverbs 11:31