12Proverbs 12

1Qui diligit disciplinam diligit scientiam ; qui autem odit increpationes insipiens est.Select Proverbs 12:1

2Qui bonus est hauriet gratiam a Domino ; qui autem confidit in cogitationibus suis impie agit.Select Proverbs 12:2

3Non roborabitur homo ex impietate, et radix justorum non commovebitur.Select Proverbs 12:3

4Mulier diligens corona est viro suo ; et putredo in ossibus ejus, quæ confusione res dignas gerit.Select Proverbs 12:4

5Cogitationes justorum judicia, et consilia impiorum fraudulenta.Select Proverbs 12:5

6Verba impiorum insidiantur sanguini ; os justorum liberabit eos.Select Proverbs 12:6

7Verte impios, et non erunt ; domus autem justorum permanebit.Select Proverbs 12:7

8Doctrina sua noscetur vir ; qui autem vanus et excors est patebit contemptui.Select Proverbs 12:8

9Melior est pauper et sufficiens sibi quam gloriosus et indigens pane.Select Proverbs 12:9

10Novit justus jumentorum suorum animas ; viscera autem impiorum crudelia.Select Proverbs 12:10

11Qui operatur terram suam satiabitur panibus ; qui autem sectatur otium stultissimus est. Qui suavis est in vini demorationibus, in suis munitionibus relinquit contumeliam.Select Proverbs 12:11

12Desiderium impii munimentum est pessimorum ; radix autem justorum proficiet.Select Proverbs 12:12

13Propter peccata labiorum ruina proximat malo ; effugiet autem justus de angustia.Select Proverbs 12:13

14De fructu oris sui unusquisque replebitur bonis, et juxta opera manuum suarum retribuetur ei.Select Proverbs 12:14

15Via stulti recta in oculis ejus ; qui autem sapiens est audit consilia.Select Proverbs 12:15

16Fatuus statim indicat iram suam ; qui autem dissimulat injuriam callidus est.Select Proverbs 12:16

17Qui quod novit loquitur, index justitiæ est ; qui autem mentitur, testis est fraudulentus.Select Proverbs 12:17

18Est qui promittit, et quasi gladio pungitur conscientiæ : lingua autem sapientium sanitas est.Select Proverbs 12:18

19Labium veritatis firmum erit in perpetuum ; qui autem testis est repentinus, concinnat linguam mendacii.Select Proverbs 12:19

20Dolus in corde cogitantium mala ; qui autem pacis ineunt consilia, sequitur eos gaudium.Select Proverbs 12:20

21Non contristabit justum quidquid ei acciderit : impii autem replebuntur malo.Select Proverbs 12:21

22Abominatio est Domino labia mendacia ; qui autem fideliter agunt placent ei.Select Proverbs 12:22

23Homo versatus celat scientiam, et cor insipientium provocat stultitiam.Select Proverbs 12:23

24Manus fortium dominabitur ; quæ autem remissa est, tributis serviet.Select Proverbs 12:24

25Mœror in corde viri humiliabit illum, et sermone bono lætificabitur.Select Proverbs 12:25

26Qui negligit damnum propter amicum, justus est ; iter autem impiorum decipiet eos.Select Proverbs 12:26

27Non inveniet fraudulentus lucrum, et substantia hominis erit auri pretium.Select Proverbs 12:27

28In semita justitiæ vita ; iter autem devium ducit ad mortem.Select Proverbs 12:28