15Proverbs 15

1Responsio mollis frangit iram ; sermo durus suscitat furorem.Select Proverbs 15:1

2Lingua sapientium ornat scientiam ; os fatuorum ebullit stultitiam.Select Proverbs 15:2

3In omni loco, oculi Domini contemplantur bonos et malos.Select Proverbs 15:3

4Lingua placabilis lignum vitæ ; quæ autem immoderata est conteret spiritum.Select Proverbs 15:4

5Stultus irridet disciplinam patris sui ; qui autem custodit increpationes astutior fiet. In abundanti justitia virtus maxima est : cogitationes autem impiorum eradicabuntur.Select Proverbs 15:5

6Domus justi plurima fortitudo, et in fructibus impii conturbatio.Select Proverbs 15:6

7Labia sapientium disseminabunt scientiam ; cor stultorum dissimile erit.Select Proverbs 15:7

8Victimæ impiorum abominabiles Domino ; vota justorum placabilia.Select Proverbs 15:8

9Abominatio est Domino via impii ; qui sequitur justitiam diligitur ab eo.Select Proverbs 15:9

10Doctrina mala deserenti viam vitæ ; qui increpationes odit, morietur.Select Proverbs 15:10

11Infernus et perditio coram Domino ; quanto magis corda filiorum hominum !Select Proverbs 15:11

12Non amat pestilens eum qui se corripit, nec ad sapientes graditur.Select Proverbs 15:12

13Cor gaudens exhilarat faciem ; in mœrore animi dejicitur spiritus.Select Proverbs 15:13

14Cor sapientis quærit doctrinam, et os stultorum pascitur imperitia.Select Proverbs 15:14

15Omnes dies pauperis, mali ; secura mens quasi juge convivium.Select Proverbs 15:15

16Melius est parum cum timore Domini, quam thesauri magni et insatiabiles.Select Proverbs 15:16

17Melius est vocari ad olera cum caritate, quam ad vitulum saginatum cum odio.Select Proverbs 15:17

18Vir iracundus provocat rixas ; qui patiens est mitigat suscitatas.Select Proverbs 15:18

19Iter pigrorum quasi sepes spinarum ; via justorum absque offendiculo.Select Proverbs 15:19

20Filius sapiens lætificat patrem, et stultus homo despicit matrem suam.Select Proverbs 15:20

21Stultitia gaudium stulto, et vir prudens dirigit gressus suos.Select Proverbs 15:21

22Dissipantur cogitationes ubi non est consilium ; ubi vero sunt plures consiliarii, confirmantur.Select Proverbs 15:22

23Lætatur homo in sententia oris sui, et sermo opportunus est optimus.Select Proverbs 15:23

24Semita vitæ super eruditum, ut declinet de inferno novissimo.Select Proverbs 15:24

25Domum superborum demolietur Dominus, et firmos faciet terminos viduæ.Select Proverbs 15:25

26Abominatio Domini cogitationes malæ, et purus sermo pulcherrimus firmabitur ab eo.Select Proverbs 15:26

27Conturbat domum suam qui sectatur avaritiam ; qui autem odit munera, vivet. Per misericordiam et fidem purgantur peccata : per timorem autem Domini declinat omnis a malo.Select Proverbs 15:27

28Mens justi meditatur obedientiam ; os impiorum redundat malis.Select Proverbs 15:28

29Longe est Dominus ab impiis, et orationes justorum exaudiet.Select Proverbs 15:29

30Lux oculorum lætificat animam ; fama bona impinguat ossa.Select Proverbs 15:30

31Auris quæ audit increpationes vitæ in medio sapientium commorabitur.Select Proverbs 15:31

32Qui abjicit disciplinam despicit animam suam ; qui autem acquiescit increpationibus possessor est cordis.Select Proverbs 15:32

33Timor Domini disciplina sapientiæ, et gloriam præcedit humilitas.Select Proverbs 15:33