17Proverbs 17

1Melior est buccella sicca cum gaudio quam domus plena victimis cum jurgio.Select Proverbs 17:1

2Servus sapiens dominabitur filiis stultis, et inter fratres hæreditatem dividet.Select Proverbs 17:2

3Sicut igne probatur argentum et aurum camino, ita corda probat Dominus.Select Proverbs 17:3

4Malus obedit linguæ iniquæ, et fallax obtemperat labiis mendacibus.Select Proverbs 17:4

5Qui despicit pauperem exprobrat factori ejus, et qui ruina lætatur alterius non erit impunitus.Select Proverbs 17:5

6Corona senum filii filiorum, et gloria filiorum patres eorum.Select Proverbs 17:6

7Non decent stultum verba composita, nec principem labium mentiens.Select Proverbs 17:7

8Gemma gratissima exspectatio præstolantis ; quocumque se vertit, prudenter intelligit.Select Proverbs 17:8

9Qui celat delictum quærit amicitias ; qui altero sermone repetit, separat fœderatos.Select Proverbs 17:9

10Plus proficit correptio apud prudentem, quam centum plagæ apud stultum.Select Proverbs 17:10

11Semper jurgia quærit malus : angelus autem crudelis mittetur contra eum.Select Proverbs 17:11

12Expedit magis ursæ occurrere raptis fœtibus, quam fatuo confidenti in stultitia sua.Select Proverbs 17:12

13Qui reddit mala pro bonis, non recedet malum de domo ejus.Select Proverbs 17:13

14Qui dimittit aquam caput est jurgiorum, et antequam patiatur contumeliam judicium deserit.Select Proverbs 17:14

15Qui justificat impium, et qui condemnat justum, abominabilis est uterque apud Deum.Select Proverbs 17:15

16Quid prodest stulto habere divitias, cum sapientiam emere non possit ? Qui altum facit domum suam quærit ruinam, et qui evitat discere incidet in mala.Select Proverbs 17:16

17Omni tempore diligit qui amicus est, et frater in angustiis comprobatur.Select Proverbs 17:17

18Stultus homo plaudet manibus, cum spoponderit pro amico suo.Select Proverbs 17:18

19Qui meditatur discordias diligit rixas, et qui exaltat ostium quærit ruinam.Select Proverbs 17:19

20Qui perversi cordis est non inveniet bonum, et qui vertit linguam incidet in malum.Select Proverbs 17:20

21Natus est stultus in ignominiam suam ; sed nec pater in fatuo lætabitur.Select Proverbs 17:21

22Animus gaudens ætatem floridam facit ; spiritus tristis exsiccat ossa.Select Proverbs 17:22

23Munera de sinu impius accipit, ut pervertat semitas judicii.Select Proverbs 17:23

24In facie prudentis lucet sapientia ; oculi stultorum in finibus terræ.Select Proverbs 17:24

25Ira patris filius stultus, et dolor matris quæ genuit eum.Select Proverbs 17:25

26Non est bonum damnum inferre justo, nec percutere principem qui recta judicat.Select Proverbs 17:26

27Qui moderatur sermones suos doctus et prudens est, et pretiosi spiritus vir eruditus.Select Proverbs 17:27

28Stultus quoque, si tacuerit, sapiens reputabitur, et si compresserit labia sua, intelligens.Select Proverbs 17:28