18Proverbs 18

1Occasiones quærit qui vult recedere ab amico : omni tempore erit exprobrabilis.Select Proverbs 18:1

2Non recipit stultus verba prudentiæ, nisi ea dixeris quæ versantur in corde ejus.Select Proverbs 18:2

3Impius, cum in profundum venerit peccatorum, contemnit ; sed sequitur eum ignominia et opprobrium.Select Proverbs 18:3

4Aqua profunda verba ex ore viri, et torrens redundans fons sapientiæ.Select Proverbs 18:4

5Accipere personam impii non est bonum, ut declines a veritate judicii.Select Proverbs 18:5

6Labia stulti miscent se rixis, et os ejus jurgia provocat.Select Proverbs 18:6

7Os stulti contritio ejus, et labia ipsius ruina animæ ejus.Select Proverbs 18:7

8Verba bilinguis quasi simplicia, et ipsa perveniunt usque ad interiora ventris. Pigrum dejicit timor ; animæ autem effeminatorum esurient.Select Proverbs 18:8

9Qui mollis et dissolutus est in opere suo frater est sua opera dissipantis.Select Proverbs 18:9

10Turris fortissima nomen Domini ; ad ipsum currit justus, et exaltabitur.Select Proverbs 18:10

11Substantia divitis urbs roboris ejus, et quasi murus validus circumdans eum.Select Proverbs 18:11

12Antequam conteratur, exaltatur cor hominis, et antequam glorificetur, humiliatur.Select Proverbs 18:12

13Qui prius respondet quam audiat, stultum se esse demonstrat, et confusione dignum.Select Proverbs 18:13

14Spiritus viri sustentat imbecillitatem suam ; spiritum vero ad irascendum facilem quis poterit sustinere ?Select Proverbs 18:14

15Cor prudens possidebit scientiam, et auris sapientium quærit doctrinam.Select Proverbs 18:15

16Donum hominis dilatat viam ejus, et ante principes spatium ei facit.Select Proverbs 18:16

17Justus prior est accusator sui : venit amicus ejus, et investigabit eum.Select Proverbs 18:17

18Contradictiones comprimit sors, et inter potentes quoque dijudicat.Select Proverbs 18:18

19Frater qui adjuvatur a fratre quasi civitas firma, et judicia quasi vectes urbium.Select Proverbs 18:19

20De fructu oris viri replebitur venter ejus, et genimina labiorum ipsius saturabunt eum.Select Proverbs 18:20

21Mors et vita in manu linguæ ; qui diligunt eam comedent fructus ejus.Select Proverbs 18:21

22Qui invenit mulierem bonam invenit bonum, et hauriet jucunditatem a Domino. Qui expellit mulierem bonam expellit bonum ; qui autem tenet adulteram stultus est et impius.Select Proverbs 18:22

23Cum obsecrationibus loquetur pauper, et dives effabitur rigide.Select Proverbs 18:23

24Vir amabilis ad societatem magis amicus erit quam frater.Select Proverbs 18:24