21Proverbs 21

1Sicut divisiones aquarum, ita cor regis in manu Domini : quocumque voluerit, inclinabit illud.Select Proverbs 21:1

2Omnis via viri recta sibi videtur : appendit autem corda Dominus.Select Proverbs 21:2

3Facere misericordiam et judicium magis placet Domino quam victimæ.Select Proverbs 21:3

4Exaltatio oculorum est dilatatio cordis ; lucerna impiorum peccatum.Select Proverbs 21:4

5Cogitationes robusti semper in abundantia ; omnis autem piger semper in egestate est.Select Proverbs 21:5

6Qui congregat thesauros lingua mendacii vanus et excors est, et impingetur ad laqueos mortis.Select Proverbs 21:6

7Rapinæ impiorum detrahent eos, quia noluerunt facere judicium.Select Proverbs 21:7

8Perversa via viri aliena est ; qui autem mundus est, rectum opus ejus.Select Proverbs 21:8

9Melius est sedere in angulo domatis, quam cum muliere litigiosa, et in domo communi.Select Proverbs 21:9

10Anima impii desiderat malum : non miserebitur proximo suo.Select Proverbs 21:10

11Mulctato pestilente, sapientior erit parvulus, et si sectetur sapientem, sumet scientiam.Select Proverbs 21:11

12Excogitat justus de domo impii, ut detrahat impios a malo.Select Proverbs 21:12

13Qui obturat aurem suam ad clamorem pauperis, et ipse clamabit, et non exaudietur.Select Proverbs 21:13

14Munus absconditum extinguit iras, et donum in sinu indignationem maximam.Select Proverbs 21:14

15Gaudium justo est facere judicium, et pavor operantibus iniquitatem.Select Proverbs 21:15

16Vir qui erraverit a via doctrinæ in cœtu gigantum commorabitur.Select Proverbs 21:16

17Qui diligit epulas in egestate erit ; qui amat vinum et pinguia non ditabitur.Select Proverbs 21:17

18Pro justo datur impius, et pro rectis iniquus.Select Proverbs 21:18

19Melius est habitare in terra deserta quam cum muliere rixosa et iracunda.Select Proverbs 21:19

20Thesaurus desiderabilis, et oleum in habitaculo justi : et imprudens homo dissipabit illud.Select Proverbs 21:20

21Qui sequitur justitiam et misericordiam inveniet vitam, justitiam, et gloriam.Select Proverbs 21:21

22Civitatem fortium ascendit sapiens, et destruxit robur fiduciæ ejus.Select Proverbs 21:22

23Qui custodit os suum et linguam suam custodit ab angustiis animam suam.Select Proverbs 21:23

24Superbus et arrogans vocatur indoctus, qui in ira operatur superbiam.Select Proverbs 21:24

25Desideria occidunt pigrum : noluerunt enim quidquam manus ejus operari.Select Proverbs 21:25

26Tota die concupiscit et desiderat ; qui autem justus est, tribuet, et non cessabit.Select Proverbs 21:26

27Hostiæ impiorum abominabiles, quia offeruntur ex scelere.Select Proverbs 21:27

28Testis mendax peribit ; vir obediens loquetur victoriam.Select Proverbs 21:28

29Vir impius procaciter obfirmat vultum suum ; qui autem rectus est corrigit viam suam.Select Proverbs 21:29

30Non est sapientia, non est prudentia, non est consilium contra Dominum.Select Proverbs 21:30

31Equus paratur ad diem belli ; Dominus autem salutem tribuit.Select Proverbs 21:31