25Proverbs 25

1Hæ quoque parabolæ Salomonis, quas transtulerunt viri Ezechiæ regis Juda.Select Proverbs 25:1

2Gloria Dei est celare verbum, et gloria regum investigare sermonem.Select Proverbs 25:2

3Cælum sursum, et terra deorsum, et cor regum inscrutabile.Select Proverbs 25:3

4Aufer rubiginem de argento, et egredietur vas purissimum.Select Proverbs 25:4

5Aufer impietatem de vultu regis, et firmabitur justitia thronus ejus.Select Proverbs 25:5

6Ne gloriosus appareas coram rege, et in loco magnorum ne steteris.Select Proverbs 25:6

7Melius est enim ut dicatur tibi : Ascende huc, quam ut humilieris coram principe.Select Proverbs 25:7

8Quæ viderunt oculi tui ne proferas in jurgio cito, ne postea emendare non possis, cum dehonestaveris amicum tuum.Select Proverbs 25:8

9Causam tuam tracta cum amico tuo, et secretum extraneo ne reveles :Select Proverbs 25:9

10ne forte insultet tibi cum audierit, et exprobrare non cesset. Gratia et amicitia liberant : quas tibi serva, ne exprobrabilis fias.Select Proverbs 25:10

11Mala aurea in lectis argenteis, qui loquitur verbum in tempore suo.Select Proverbs 25:11

12Inauris aurea, et margaritum fulgens, qui arguit sapientem et aurem obedientem.Select Proverbs 25:12

13Sicut frigus nivis in die messis, ita legatus fidelis ei qui misit eum : animam ipsius requiescere facit.Select Proverbs 25:13

14Nubes, et ventus, et pluviæ non sequentes, vir gloriosus et promissa non complens.Select Proverbs 25:14

15Patientia lenietur princeps, et lingua mollis confringet duritiam.Select Proverbs 25:15

16Mel invenisti : comede quod sufficit tibi, ne forte satiatus evomas illud.Select Proverbs 25:16

17Subtrahe pedem tuum de domo proximi tui, nequando satiatus oderit te.Select Proverbs 25:17

18Jaculum, et gladius, et sagitta acuta, homo qui loquitur contra proximum suum falsum testimonium.Select Proverbs 25:18

19Dens putridus, et pes lassus, qui sperat super infideli in die angustiæ,Select Proverbs 25:19

20et amittit pallium in die frigoris. Acetum in nitro, qui cantat carmina cordi pessimo. Sicut tinea vestimento, et vermis ligno, ita tristitia viri nocet cordi.Select Proverbs 25:20

21Si esurierit inimicus tuus, ciba illum ; si sitierit, da ei aquam bibere :Select Proverbs 25:21

22prunas enim congregabis super caput ejus, et Dominus reddet tibi.Select Proverbs 25:22

23Ventus aquilo dissipat pluvias, et facies tristis linguam detrahentem.Select Proverbs 25:23

24Melius est sedere in angulo domatis quam cum muliere litigiosa et in domo communi.Select Proverbs 25:24

25Aqua frigida animæ sitienti, et nuntius bonus de terra longinqua.Select Proverbs 25:25

26Fons turbatus pede et vena corrupta, justus cadens coram impio.Select Proverbs 25:26

27Sicut qui mel multum comedit non est ei bonum, sic qui scrutator est majestatis opprimetur a gloria.Select Proverbs 25:27

28Sicut urbs patens et absque murorum ambitu, ita vir qui non potest in loquendo cohibere spiritum suum.Select Proverbs 25:28