16Genesis 16

1Igitur Sarai, uxor Abram, non genuerat liberos : sed habens ancillam ægyptiam nomine Agar,Select Genesis 16:1

2dixit marito suo : Ecce, conclusit me Dominus, ne parerem. Ingredere ad ancillam meam, si forte saltem ex illa suscipiam filios. Cumque ille acquiesceret deprecanti,Select Genesis 16:2

3tulit Agar ægyptiam ancillam suam post annos decem quam habitare cœperant in terra Chanaan : et dedit eam viro suo uxorem.Select Genesis 16:3

4Qui ingressus est ad eam. At illa concepisse se videns, despexit dominam suam.Select Genesis 16:4

5Dixitque Sarai ad Abram : Inique agis contra me : ego dedi ancillam meam in sinum tuum, quæ videns quod conceperit, despectui me habet : judicet Dominus inter me et te.Select Genesis 16:5

6Cui respondens Abram : Ecce, ait, ancilla tua in manu tua est, utere ea ut libet. Affligente igitur eam Sarai, fugam iniit.Select Genesis 16:6

7Cumque invenisset eam angelus Domini juxta fontem aquæ in solitudine, qui est in via Sur in deserto,Select Genesis 16:7

8dixit ad illam : Agar ancilla Sarai, unde venis ? et quo vadis ? Quæ respondit : A facie Sarai dominæ meæ ego fugio.Select Genesis 16:8

9Dixitque ei angelus Domini : Revertere ad dominam tuam, et humiliare sub manu illius.Select Genesis 16:9

10Et rursum : Multiplicans, inquit, multiplicabo semen tuum, et non numerabitur præ multitudine.Select Genesis 16:10

11Ac deinceps : Ecce, ait, concepisti, et paries filium : vocabisque nomen ejus Ismaël, eo quod audierit Dominus afflictionem tuam.Select Genesis 16:11

12Hic erit ferus homo : manus ejus contra omnes, et manus omnium contra eum : et e regione universorum fratrum suorum figet tabernacula.Select Genesis 16:12

13Vocavit autem nomen Domini qui loquebatur ad eam : Tu Deus qui vidisti me. Dixit enim : Profecto hic vidi posteriora videntis me.Select Genesis 16:13

14Propterea appellavit puteum illum Puteum viventis et videntis me. Ipse est inter Cades et Barad.Select Genesis 16:14

15Peperitque Agar Abræ filium : qui vocavit nomen ejus Ismaël.Select Genesis 16:15

16Octoginta et sex annorum erat Abram quando peperit ei Agar Ismaëlem.Select Genesis 16:16