40Genesis 40

1His ita gestis, accidit ut peccarent duo eunuchi, pincerna regis Ægypti, et pistor, domino suo.Select Genesis 40:1

2Iratusque contra eos Pharao (nam alter pincernis præerat, alter pistoribus),Select Genesis 40:2

3misit eos in carcerem principis militum, in quo erat vinctus et Joseph.Select Genesis 40:3

4At custos carceris tradidit eos Joseph, qui et ministrabat eis : aliquantulum temporis fluxerat, et illi in custodia tenebantur.Select Genesis 40:4

5Videruntque ambo somnium nocte una, juxta interpretationem congruam sibi :Select Genesis 40:5

6ad quos cum introisset Joseph mane, et vidisset eos tristes,Select Genesis 40:6

7sciscitatus est eos, dicens : Cur tristior est hodie solito facies vestra ?Select Genesis 40:7

8Qui responderunt : Somnium vidimus, et non est qui interpretetur nobis. Dixitque ad eos Joseph : Numquid non Dei est interpretatio ? referte mihi quid videritis.Select Genesis 40:8

9Narravit prior, præpositus pincernarum, somnium suum : Videbam coram me vitem,Select Genesis 40:9

10in qua erant tres propagines, crescere paulatim in gemmas, et post flores uvas maturescere :Select Genesis 40:10

11calicemque Pharaonis in manu mea : tuli ergo uvas, et expressi in calicem quem tenebam, et tradidi poculum Pharaoni.Select Genesis 40:11

12Respondit Joseph : Hæc est interpretatio somnii : tres propagines, tres adhuc dies sunt :Select Genesis 40:12

13post quos recordabitur Pharao ministerii tui, et restituet te in gradum pristinum : dabisque ei calicem juxta officium tuum, sicut ante facere consueveras.Select Genesis 40:13

14Tantum memento mei, cum bene tibi fuerit, et facias mecum misericordiam : ut suggeras Pharaoni ut educat me de isto carcere :Select Genesis 40:14

15quia furto sublatus sum de terra Hebræorum, et hic innocens in lacum missus sum.Select Genesis 40:15

16Videns pistorum magister quod prudenter somnium dissolvisset, ait : Et ego vidi somnium : quod tria canistra farinæ haberem super caput meum :Select Genesis 40:16

17et in uno canistro quod erat excelsius, portare me omnes cibos qui fiunt arte pistoria, avesque comedere ex eo.Select Genesis 40:17

18Respondit Joseph : Hæc est interpretatio somnii : tria canistra, tres adhuc dies sunt :Select Genesis 40:18

19post quos auferet Pharao caput tuum, ac suspendet te in cruce, et lacerabunt volucres carnes tuas.Select Genesis 40:19

20Exinde dies tertius natalitius Pharaonis erat : qui faciens grande convivium pueris suis, recordatus est inter epulas magistri pincernarum, et pistorum principis.Select Genesis 40:20

21Restituitque alterum in locum suum, ut porrigeret ei poculum :Select Genesis 40:21

22alterum suspendit in patibulo, ut conjectoris veritas probaretur.Select Genesis 40:22

23Et tamen succedentibus prosperis, præpositus pincernarum oblitus est interpretis sui.Select Genesis 40:23