6Genesis 6

1Cumque cœpissent homines multiplicari super terram, et filias procreassent,Select Genesis 6:1

2videntes filii Dei filias hominum quod essent pulchræ, acceperunt sibi uxores ex omnibus, quas elegerant.Select Genesis 6:2

3Dixitque Deus : Non permanebit spiritus meus in homine in æternum, quia caro est : eruntque dies illius centum viginti annorum.Select Genesis 6:3

4Gigantes autem erant super terram in diebus illis : postquam enim ingressi sunt filii Dei ad filias hominum, illæque genuerunt, isti sunt potentes a sæculo viri famosi.Select Genesis 6:4

5Videns autem Deus quod multa malitia hominum esset in terra, et cuncta cogitatio cordis intenta esset ad malum omni tempore,Select Genesis 6:5

6pœnituit eum quod hominum fecisset in terra. Et tactus dolore cordis intrinsecus,Select Genesis 6:6

7Delebo, inquit, hominem, quem creavi, a facie terræ, ab homine usque ad animantia, a reptili usque ad volucres cæli : pœnitet enim me fecisse eos.Select Genesis 6:7

8Noë vero invenit gratiam coram Domino.Select Genesis 6:8

9Hæ sunt generationes Noë : Noë vir justus atque perfectus fuit in generationibus suis ; cum Deo ambulavit.Select Genesis 6:9

10Et genuit tres filios, Sem, Cham et Japheth.Select Genesis 6:10

11Corrupta est autem terra coram Deo, et repleta est iniquitate.Select Genesis 6:11

12Cumque vidisset Deus terram esse corruptam (omnis quippe caro corruperat viam suam super terram),Select Genesis 6:12

13dixit ad Noë : Finis universæ carnis venit coram me : repleta est terra iniquitate a facie eorum, et ego disperdam eos cum terra.Select Genesis 6:13

14Fac tibi arcam de lignis lævigatis ; mansiunculas in arca facies, et bitumine linies intrinsecus et extrinsecus.Select Genesis 6:14

15Et sic facies eam : trecentorum cubitorum erit longitudo arcæ, quinquaginta cubitorum latitudo, et triginta cubitorum altitudo illius.Select Genesis 6:15

16Fenestram in arca facies, et in cubito consummabis summitatem ejus : ostium autem arcæ pones ex latere ; deorsum, cœnacula et tristega facies in ea.Select Genesis 6:16

17Ecce ego adducam aquas diluvii super terram, ut interficiam omnem carnem, in qua spiritus vitæ est subter cælum : universa quæ in terra sunt, consumentur.Select Genesis 6:17

18Ponamque fœdus meum tecum : et ingredieris arcam tu et filii tui, uxor tua, et uxores filiorum tuorum tecum.Select Genesis 6:18

19Et ex cunctis animantibus universæ carnis bina induces in arcam, ut vivant tecum : masculini sexus et feminini.Select Genesis 6:19

20De volucribus juxta genus suum, et de jumentis in genere suo, et ex omni reptili terræ secundum genus suum : bina de omnibus ingredientur tecum, ut possint vivere.Select Genesis 6:20

21Tolles igitur tecum ex omnibus escis, quæ mandi possunt, et comportabis apud te : et erunt tam tibi, quam illis in cibum.Select Genesis 6:21

22Fecit igitur Noë omnia quæ præceperat illi Deus.Select Genesis 6:22