1Exodus 1

1Hæc sunt nomina filiorum Israël qui ingressi sunt in Ægyptum cum Jacob : singuli cum domibus suis introierunt :Select Exodus 1:1

2Ruben, Simeon, Levi, Judas,Select Exodus 1:2

3Issachar, Zabulon et Benjamin,Select Exodus 1:3

4Dan et Nephthali, Gad et Aser.Select Exodus 1:4

5Erant igitur omnes animæ eorum qui egressi sunt de femore Jacob, septuaginta : Joseph autem in Ægypto erat.Select Exodus 1:5

6Quo mortuo, et universis fratribus ejus, omnique cognatione illa,Select Exodus 1:6

7filii Israël creverunt, et quasi germinantes multiplicati sunt : ac roborati nimis, impleverunt terram.Select Exodus 1:7

8Surrexit interea rex novus super Ægyptum, qui ignorabat Joseph.Select Exodus 1:8

9Et ait ad populum suum : Ecce, populus filiorum Israël multus, et fortior nobis est.Select Exodus 1:9

10Venite, sapienter opprimamus eum, ne forte multiplicetur : et si ingruerit contra nos bellum, addatur inimicis nostris, expugnatisque nobis egrediatur de terra.Select Exodus 1:10

11Præposuit itaque eis magistros operum, ut affligerent eos oneribus : ædificaveruntque urbes tabernaculorum Pharaoni, Phithom et Ramesses.Select Exodus 1:11

12Quantoque opprimebant eos, tanto magis multiplicabantur, et crescebant :Select Exodus 1:12

13oderantque filios Israël Ægyptii, et affligebant illudentes eis,Select Exodus 1:13

14atque ad amaritudinem perducebant vitam eorum operibus duris luti et lateris, omnique famulatu, quo in terræ operibus premebantur.Select Exodus 1:14

15Dixit autem rex Ægypti obstetricibus Hebræorum, quarum una vocabatur Sephora, altera Phua,Select Exodus 1:15

16præcipiens eis : Quando obstetricabitis Hebræas, et partus tempus advenerit : si masculus fuerit, interficite eum : si femina, reservate.Select Exodus 1:16

17Timuerunt autem obstetrices Deum, et non fecerunt juxta præceptum regis Ægypti, sed conservabant mares.Select Exodus 1:17

18Quibus ad se accersitis, rex ait : Quidnam est hoc quod facere voluistis, ut pueros servaretis ?Select Exodus 1:18

19Quæ responderunt : Non sunt Hebreæ sicut ægyptiæ mulieres : ipsæ enim obstetricandi habent scientiam, et priusquam veniamus ad eas, pariunt.Select Exodus 1:19

20Bene ergo fecit Deus obstetricibus : et crevit populus, confortatusque est nimis.Select Exodus 1:20

21Et quia timuerunt obstetrices Deum, ædificavit eis domos.Select Exodus 1:21

22Præcepit ergo Pharao omni populo suo, dicens : Quidquid masculini sexus natum fuerit, in flumen projicite : quidquid feminini, reservate.Select Exodus 1:22