19Exodus 19

1Mense tertio egressionis Israël de terra Ægypti, in die hac venerunt in solitudinem Sinai.Select Exodus 19:1

2Nam profecti de Raphidim, et pervenientes usque in desertum Sinai, castrametati sunt in eodem loco, ibique Israël fixit tentoria e regione montis.Select Exodus 19:2

3Moyses autem ascendit ad Deum : vocavitque eum Dominus de monte, et ait : Hæc dices domui Jacob, et annuntiabis filiis Israël :Select Exodus 19:3

4Vos ipsi vidistis quæ fecerim Ægyptiis, quomodo portaverim vos super alas aquilarum, et assumpserim mihi.Select Exodus 19:4

5Si ergo audieritis vocem meam, et custodieritis pactum meum, eritis mihi in peculium de cunctis populis : mea est enim omnis terra :Select Exodus 19:5

6et vos eritis mihi in regnum sacerdotale, et gens sancta. Hæc sunt verba quæ loqueris ad filios Israël.Select Exodus 19:6

7Venit Moyses : et convocatis majoribus natu populi, exposuit omnes sermones quos mandaverat Dominus.Select Exodus 19:7

8Responditque omnis populus simul : Cuncta quæ locutus est Dominus, faciemus. Cumque retulisset Moyses verba populi ad Dominum,Select Exodus 19:8

9ait ei Dominus : Jam nunc veniam ad te in caligine nubis, ut audiat me populus loquentem ad te, et credat tibi in perpetuum. Nuntiavit ergo Moyses verba populi ad Dominum.Select Exodus 19:9

10Qui dixit ei : Vade ad populum, et sanctifica illos hodie, et cras, laventque vestimenta sua.Select Exodus 19:10

11Et sint parati in diem tertium : in die enim tertia descendet Dominus coram omni plebe super montem Sinai.Select Exodus 19:11

12Constituesque terminos populo per circuitum, et dices ad eos : Cavete ne ascendatis in montem, nec tangatis fines illius : omnis qui tetigerit montem, morte morietur.Select Exodus 19:12

13Manus non tanget eum, sed lapidibus opprimetur, aut confodietur jaculis : sive jumentum fuerit, sive homo, non vivet : cum cœperit clangere buccina, tunc ascendant in montem.Select Exodus 19:13

14Descenditque Moyses de monte ad populum, et sanctificavit eum. Cumque lavissent vestimenta sua,Select Exodus 19:14

15ait ad eos : Estote parati in diem tertium, et ne appropinquetis uxoribus vestris.Select Exodus 19:15

16Jamque advenerat tertius dies, et mane inclaruerat : et ecce cœperunt audiri tonitrua, ac micare fulgura, et nubes densissima operire montem, clangorque buccinæ vehementius perstrepebat : et timuit populus qui erat in castris.Select Exodus 19:16

17Cumque eduxisset eos Moyses in occursum Dei de loco castrorum, steterunt ad radices montis.Select Exodus 19:17

18Totus autem mons Sinai fumabat, eo quod descendisset Dominus super eum in igne : et ascenderet fumus ex eo quasi de fornace, eratque omnis mons terribilis.Select Exodus 19:18

19Et sonitus buccinæ paulatim crescebat in majus, et prolixius tendebatur : Moyses loquebatur, et Deus respondebat ei.Select Exodus 19:19

20Descenditque Dominus super montem Sinai in ipso montis vertice, et vocavit Moysen in cacumen ejus. Quo cum ascendisset,Select Exodus 19:20

21dixit ad eum : Descende, et contestare populum : ne forte velit transcendere terminos ad videndum Dominum, et pereat ex eis plurima multitudo.Select Exodus 19:21

22Sacerdotes quoque qui accedunt ad Dominum, sanctificentur, ne percutiat eos.Select Exodus 19:22

23Dixitque Moyses ad Dominum : Non poterit vulgus ascendere in montem Sinai : tu enim testificatus es, et jussisti, dicens : Pone terminos circa montem, et sanctifica illum.Select Exodus 19:23

24Cui ait Dominus : Vade, descende : ascendesque tu, et Aaron tecum : sacerdotes autem et populus ne transeant terminos, nec ascendant ad Dominum, ne forte interficiat illos.Select Exodus 19:24

25Descenditque Moyses ad populum, et omnia narravit eis.Select Exodus 19:25