2Exodus 2

1Egressus est post hæc vir de domo Levi : et accepit uxorem stirpis suæ.Select Exodus 2:1

2Quæ concepit, et peperit filium : et videns eum elegantem, abscondit tribus mensibus.Select Exodus 2:2

3Cumque jam celare non posset, sumpsit fiscellam scirpeam, et linivit eam bitumine ac pice : posuitque intus infantulum, et exposuit eum in carecto ripæ fluminis,Select Exodus 2:3

4stante procul sorore ejus, et considerante eventum rei.Select Exodus 2:4

5Ecce autem descendebat filia Pharaonis ut lavaretur in flumine : et puellæ ejus gradiebantur per crepidinem alvei. Quæ cum vidisset fiscellam in papyrione, misit unam e famulabus suis : et allatamSelect Exodus 2:5

6aperiens, cernensque in ea parvulum vagientem, miserta ejus, ait : De infantibus Hebræorum est hic.Select Exodus 2:6

7Cui soror pueri : Vis, inquit, ut vadam, et vocem tibi mulierem hebræam, quæ nutrire possit infantulum ?Select Exodus 2:7

8Respondit : Vade. Perrexit puella et vocavit matrem suam.Select Exodus 2:8

9Ad quam locuta filia Pharaonis : Accipe, ait, puerum istum, et nutri mihi : ego dabo tibi mercedem tuam. Suscepit mulier, et nutrivit puerum : adultumque tradidit filiæ Pharaonis.Select Exodus 2:9

10Quem illa adoptavit in locum filii, vocavitque nomen ejus Moyses, dicens : Quia de aqua tuli eum.Select Exodus 2:10

11In diebus illis postquam creverat Moyses, egressus est ad fratres suos : viditque afflictionem eorum, et virum ægyptium percutientem quemdam de Hebræis fratribus suis.Select Exodus 2:11

12Cumque circumspexisset huc atque illuc, et nullum adesse vidisset, percussum Ægyptium abscondit sabulo.Select Exodus 2:12

13Et egressus die altero conspexit duos Hebræos rixantes : dixitque ei qui faciebat injuriam : Quare percutis proximum tuum ?Select Exodus 2:13

14Qui respondit : Quis te constituit principem et judicem super nos ? num occidere me tu vis, sicut heri occidisti Ægyptium ? Timuit Moyses, et ait : Quomodo palam factum est verbum istud ?Select Exodus 2:14

15Audivitque Pharao sermonem hunc, et quærebat occidere Moysen : qui fugiens de conspectu ejus, moratus est in terra Madian, et sedit juxta puteum.Select Exodus 2:15

16Erant autem sacerdoti Madian septem filiæ, quæ venerunt ad hauriendam aquam : et impletis canalibus adaquare cupiebant greges patris sui.Select Exodus 2:16

17Supervenere pastores, et ejecerunt eas : surrexitque Moyses, et defensis puellis, adaquavit oves earum.Select Exodus 2:17

18Quæ cum revertissent ad Raguel patrem suum, dixit ad eas : Cur velocius venistis solito ?Select Exodus 2:18

19Responderunt : Vir ægyptius liberavit nos de manu pastorum : insuper et hausit aquam nobiscum, potumque dedit ovibus.Select Exodus 2:19

20At ille : Ubi est ? inquit : quare dimisistis hominem ? vocate eum ut comedat panem.Select Exodus 2:20

21Juravit ergo Moyses quod habitaret cum eo. Accepitque Sephoram filiam ejus uxorem :Select Exodus 2:21

22quæ peperit ei filium, quem vocavit Gersam, dicens : Advena fui in terra aliena. Alterum vero peperit, quem vocavit Eliezer, dicens : Deus enim patris mei adjutor meus eripuit me de manu Pharaonis.Select Exodus 2:22

23Post multum vero tempore mortuus est rex Ægypti : et ingemiscentes filii Israël, propter opera vociferati sunt : ascenditque clamor eorum ad Deum ab operibus.Select Exodus 2:23

24Et audivit gemitum eorum, ac recordatus est fœderis quod pepigit cum Abraham, Isaac et Jacob.Select Exodus 2:24

25Et respexit Dominus filios Israël et cognovit eos.Select Exodus 2:25