22Exodus 22

1Si quis furatus fuerit bovem aut ovem, et occiderit vel vendiderit : quinque boves pro uno bove restituet, et quatuor oves pro una ove.Select Exodus 22:1

2Si effringens fur domum sive suffodiens fuerit inventus, et accepto vulnere mortuus fuerit, percussor non erit reus sanguinis.Select Exodus 22:2

3Quod si orto sole hoc fecerit, homicidium perpetravit, et ipse morietur. Si non habuerit quod pro furto reddat, ipse venundabitur.Select Exodus 22:3

4Si inventum fuerit apud eum quod furatus est, vivens : sive bos, sive asinus, sive ovis, duplum restituet.Select Exodus 22:4

5Si læserit quispiam agrum vel vineam, et dimiserit jumentum suum ut depascatur aliena : quidquid optimum habuerit in agro suo, vel in vinea, pro damni æstimatione restituet.Select Exodus 22:5

6Si egressus ignis invenerit spinas, et comprehenderit acervos frugum, sive stantes segetes in agris, reddet damnum qui ignem succenderit.Select Exodus 22:6

7Si quis commendaverit amico pecuniam aut vas in custodiam, et ab eo, qui susceperat, furto ablata fuerint : si invenitur fur, duplum reddet :Select Exodus 22:7

8si latet fur, dominus domus applicabitur ad deos, et jurabit quod non extenderit manum in rem proximi sui,Select Exodus 22:8

9ad perpetrandam fraudem, tam in bove quam in asino, et ove ac vestimento, et quidquid damnum inferre potest : ad deos utriusque causa perveniet, et si illi judicaverint, duplum restituet proximo suo.Select Exodus 22:9

10Si quis commendaverit proximo suo asinum, bovem, ovem, et omne jumentum ad custodiam, et mortuum fuerit, aut debilitatum, vel captum ab hostibus, nullusque hoc viderit :Select Exodus 22:10

11jusjurandum erit in medio, quod non extenderit manum ad rem proximi sui : suscipietque dominus juramentum, et ille reddere non cogetur.Select Exodus 22:11

12Quod si furto ablatum fuerit, restituet damnum domino ;Select Exodus 22:12

13si comestum a bestia, deferat ad eum quod occisum est, et non restituet.Select Exodus 22:13

14Qui a proximo suo quidquam horum mutuo postulaverit, et debilitatum aut mortuum fuerit domino non præsente, reddere compelletur.Select Exodus 22:14

15Quod si impræsentiarum dominus fuerit, non restituet, maxime si conductum venerat pro mercede operis sui.Select Exodus 22:15

16Si seduxerit quis virginem necdum desponsatam, dormieritque cum ea : dotabit eam, et habebit eam uxorem.Select Exodus 22:16

17Si pater virginis dare noluerit, reddet pecuniam juxta modum dotis, quam virgines accipere consueverunt.Select Exodus 22:17

18Maleficos non patieris vivere.Select Exodus 22:18

19Qui coierit cum jumento, morte moriatur.Select Exodus 22:19

20Qui immolat diis, occidetur, præterquam Domino soli.Select Exodus 22:20

21Advenam non contristabis, neque affliges eum : advenæ enim et ipsi fuistis in terra Ægypti.Select Exodus 22:21

22Viduæ et pupillo non nocebitis.Select Exodus 22:22

23Si læseritis eos, vociferabuntur ad me, et ego audiam clamorem eorum :Select Exodus 22:23

24et indignabitur furor meus, percutiamque vos gladio, et erunt uxores vestræ viduæ, et filii vestri pupilli.Select Exodus 22:24

25Si pecuniam mutuam dederis populo meo pauperi qui habitat tecum, non urgebis eum quasi exactor, nec usuris opprimes.Select Exodus 22:25

26Si pignus a proximo tuo acceperis vestimentum, ante solis occasum reddes ei.Select Exodus 22:26

27Ipsum enim est solum, quo operitur, indumentum carnis ejus, nec habet aliud in quo dormiat : si clamaverit ad me, exaudiam eum, quia misericors sum.Select Exodus 22:27

28Diis non detrahes, et principi populi tui non maledices.Select Exodus 22:28

29Decimas tuas et primitias tuas non tardabis reddere : primogenitum filiorum tuorum dabis mihi.Select Exodus 22:29

30De bobus quoque, et ovibus similiter facies : septem diebus sit cum matre sua, die octava reddes illum mihi.Select Exodus 22:30

31Viri sancti eritis mihi : carnem, quæ a bestiis fuerit prægustata, non comedetis, sed projicietis canibus.Select Exodus 22:31