23Exodus 23

1Non suscipies vocem mendacii, nec junges manum tuam ut pro impio dicas falsum testimonium.Select Exodus 23:1

2Non sequeris turbam ad faciendum malum : nec in judicio, plurimorum acquiesces sententiæ, ut a vero devies.Select Exodus 23:2

3Pauperis quoque non misereberis in judicio.Select Exodus 23:3

4Si occurreris bovi inimici tui, aut asino erranti, reduc ad eum.Select Exodus 23:4

5Si videris asinum odientis te jacere sub onere, non pertransibis, sed sublevabis cum eo.Select Exodus 23:5

6Non declinabis in judicium pauperis.Select Exodus 23:6

7Mendacium fugies. Insontem et justum non occides : quia aversor impium.Select Exodus 23:7

8Nec accipies munera, quæ etiam excæcant prudentes, et subvertunt verba justorum.Select Exodus 23:8

9Peregrino molestus non eris. Scitis enim advenarum animas : quia et ipsi peregrini fuistis in terra Ægypti.Select Exodus 23:9

10Sex annis seminabis terram tuam, et congregabis fruges ejus :Select Exodus 23:10

11anno autem septimo dimittes eam, et requiescere facies, ut comedant pauperes populi tui : et quidquid reliquum fuerit, edant bestiæ agri : ita facies in vinea et in oliveto tuo.Select Exodus 23:11

12Sex diebus operaberis : septimo die cessabis, ut requiescat bos et asinus tuus, et refrigeretur filius ancillæ tuæ, et advena.Select Exodus 23:12

13Omnia quæ dixi vobis, custodite. Et per nomen externorum deorum non jurabitis, neque audietur ex ore vestro.Select Exodus 23:13

14Tribus vicibus per singulos annos mihi festa celebrabitis.Select Exodus 23:14

15Solemnitatem azymorum custodies. Septem diebus comedes azyma, sicut præcepi tibi, tempore mensis novorum, quando egressus es de Ægypto : non apparebis in conspectu meo vacuus.Select Exodus 23:15

16Et solemnitatem messis primitivorum operis tui, quæcumque seminaveris in agro : solemnitatem quoque in exitu anni, quando congregaveris omnes fruges tuas de agro.Select Exodus 23:16

17Ter in anno apparebit omne masculinum tuum coram Domino Deo tuo.Select Exodus 23:17

18Non immolabis super fermento sanguinem victimæ meæ, nec remanebit adeps solemnitatis meæ usque mane.Select Exodus 23:18

19Primitias frugum terræ tuæ deferes in domum Domini Dei tui. Non coques hædum in lacte matris suæ.Select Exodus 23:19

20Ecce ego mittam angelum meum, qui præcedat te, et custodiat in via, et introducat in locum quem paravi.Select Exodus 23:20

21Observa eum, et audi vocem ejus, nec contemnendum putes : quia non dimittet cum peccaveris, et est nomen meum in illo.Select Exodus 23:21

22Quod si audieris vocem ejus, et feceris omnia quæ loquor, inimicus ero inimicis tuis, et affligam affligentes te.Select Exodus 23:22

23Præcedetque te angelus meus, et introducet te ad Amorrhæum, et Hethæum, et Pherezæum, Chananæumque, et Hevæum, et Jebusæum, quos ego conteram.Select Exodus 23:23

24Non adorabis deos eorum, nec coles eos : non facies opera eorum, sed destrues eos, et confringes statuas eorum.Select Exodus 23:24

25Servietisque Domino Deo vestro, ut benedicam panibus tuis et aquis, et auferam infirmitatem de medio tui.Select Exodus 23:25

26Non erit infœcunda, nec sterilis in terra tua : numerum dierum tuorum implebo.Select Exodus 23:26

27Terrorem meum mittam in præcursum tuum, et occidam omnem populum, ad quem ingredieris : cunctorumque inimicorum tuorum coram te terga vertam :Select Exodus 23:27

28emittens crabrones prius, qui fugabunt Hevæum, et Chananæum, et Hethæum, antequam introëas.Select Exodus 23:28

29Non ejiciam eos a facie tua anno uno : ne terra in solitudinem redigatur, et crescant contra te bestiæ.Select Exodus 23:29

30Paulatim expellam eos de conspectu tuo, donec augearis, et possideas terram.Select Exodus 23:30

31Ponam autem terminos tuos a mari Rubro usque ad mare Palæstinorum, et a deserto usque ad fluvium : tradam in manibus vestris habitatores terræ, et ejiciam eos de conspectu vestro.Select Exodus 23:31

32Non inibis cum eis fœdus, nec cum diis eorum.Select Exodus 23:32

33Non habitent in terra tua, ne forte peccare te faciant in me, si servieris diis eorum : quod tibi certe erit in scandalum.Select Exodus 23:33