27Exodus 27

1Facies et altare de lignis setim, quod habebit quinque cubitus in longitudine, et totidem in latitudine, id est, quadrum, et tres cubitos in altitudine.Select Exodus 27:1

2Cornua autem per quatuor angulos ex ipso erunt : et operies illud ære.Select Exodus 27:2

3Faciesque in usus ejus lebetes ad suscipiendos cineres, et forcipes atque fuscinulas, et ignium receptacula ; omnia vasa ex ære fabricabis.Select Exodus 27:3

4Craticulamque in modum retis æneam : per cujus quatuor angulos erunt quatuor annuli ænei.Select Exodus 27:4

5Quos pones subter arulam altaris : eritque craticula usque ad altaris medium.Select Exodus 27:5

6Facies et vectes altaris de lignis setim duos, quos operies laminis æneis :Select Exodus 27:6

7et induces per circulos, eruntque ex utroque latere altaris ad portandum.Select Exodus 27:7

8Non solidum, sed inane et cavum intrinsecus facies illud, sicut tibi in monte monstratum est.Select Exodus 27:8

9Facies et atrium tabernaculi, in cujus australi plaga contra meridiem erunt tentoria de bysso retorta : centum cubitos unum latus tenebit in longitudine.Select Exodus 27:9

10Et columnas viginti cum basibus totidem æneis, quæ capita cum cælaturis suis habebunt argentea.Select Exodus 27:10

11Similiter et in latere aquilonis per longum erunt tentoria centum cubitorum, columnæ viginti, et bases æneæ ejusdem numeri, et capita earum cum cælaturis suis argentea.Select Exodus 27:11

12In latitudine vero atrii, quod respicit ad occidentem, erunt tentoria per quinquaginta cubitos, et columnæ decem, basesque totidem.Select Exodus 27:12

13In ea quoque atrii latitudine, quæ respicit ad orientem, quinquaginta cubiti erunt.Select Exodus 27:13

14In quibus quindecim cubitorum tentoria lateri uno deputabuntur, columnæque tres et bases totidem :Select Exodus 27:14

15et in latere altero erunt tentoria cubitos obtinentia quindecim, columnæ tres, et bases totidem.Select Exodus 27:15

16In introitu vero atrii fiet tentorium cubitorum viginti ex hyacintho et purpura, coccoque bis tincto, et bysso retorta, opere plumarii : columnas habebit quatuor, cum basibus totidem.Select Exodus 27:16

17Omnes columnæ atrii per circuitum vestitæ erunt argenteis laminis, capitibus argenteis, et basibus æneis.Select Exodus 27:17

18In longitudine occupabit atrium cubitos centum, in latitudine quinquaginta, altitudo quinque cubitorum erit : fietque de bysso retorta, et habebit bases æneas.Select Exodus 27:18

19Cuncta vasa tabernaculi in omnes usus et cæremonias, tam paxillos ejus quam atrii, ex ære facies.Select Exodus 27:19

20Præcipe filiis Israël ut afferant tibi oleum de arboribus olivarum purissimum, piloque contusum, ut ardeat lucerna semperSelect Exodus 27:20

21in tabernaculo testimonii, extra velum quod oppansum est testimonio. Et collocabunt eam Aaron et filii ejus, ut usque mane luceat coram Domino. Perpetuus erit cultus per successiones eorum a filiis Israël.Select Exodus 27:21