30Exodus 30

1Facies quoque altare ad adolendum thymiama, de lignis setim,Select Exodus 30:1

2habens cubitum longitudinis, et alterum latitudinis, id est, quadrangulum, et duos cubitos in altitudine. Cornua ex ipso procedent.Select Exodus 30:2

3Vestiesque illud auro purissimo, tam craticulam ejus, quam parietes per circuitum, et cornua. Faciesque ei coronam aureolam per gyrum,Select Exodus 30:3

4et duos annulos aureos sub corona per singula latera, ut mittantur in eos vectes, et altare portetur.Select Exodus 30:4

5Ipsos quoque vectes facies de lignis setim, et inaurabis.Select Exodus 30:5

6Ponesque altare contra velum, quod ante arcum pendet testimonii coram propitiatorio quo tegitur testimonium, ubi loquar tibi.Select Exodus 30:6

7Et adolebit incensum super eo Aaron, suave fragrans, mane. Quando componet lucernas, incendet illud :Select Exodus 30:7

8et quando collocabit eas ad vesperum, uret thymiama sempiternum coram Domino in generationes vestras.Select Exodus 30:8

9Non offeretis super eo thymiama compositionis alterius, nec oblationem, et victimam, nec libabitis libamina.Select Exodus 30:9

10Et deprecabitur Aaron super cornua ejus semel per annum, in sanguine quod oblatum est pro peccato, et placabit super eo in generationibus vestris. Sanctum sanctorum erit Domino.Select Exodus 30:10

11Locutusque est Dominus ad Moysen, dicens :Select Exodus 30:11

12Quando tuleris summam filiorum Israël juxta numerum, dabunt singuli pretium pro animabus suis Domino, et non erit plaga in eis, cum fuerint recensiti.Select Exodus 30:12

13Hoc autem dabit omnis qui transit ad nomen, dimidium sicli juxta mensuram templi (siclus viginti obolos habet) ; media pars sicli offeretur Domino.Select Exodus 30:13

14Qui habetur in numero, a viginti annis et supra, dabit pretium.Select Exodus 30:14

15Dives non addet ad medium sicli, et pauper nihil minuet.Select Exodus 30:15

16Susceptamque pecuniam, quæ collata est a filiis Israël, trades in usus tabernaculi testimonii, ut sit monimentum eorum coram Domino, et propitietur animabus eorum.Select Exodus 30:16

17Locutusque est Dominus ad Moysen, dicens :Select Exodus 30:17

18Facies et labrum æneum cum basi sua ad lavandum : ponesque illud inter tabernaculum testimonii et altare. Et missa aqua,Select Exodus 30:18

19lavabunt in ea Aaron et filii ejus manus suas ac pedes,Select Exodus 30:19

20quando ingressuri sunt tabernaculum testimonii, et quando accessuri sunt ad altare, ut offerant in eo thymiama Domino,Select Exodus 30:20

21ne forte moriantur ; legitimum sempiternum erit ipsi, et semini ejus per successiones.Select Exodus 30:21

22Locutusque est Dominus ad Moysen,Select Exodus 30:22

23dicens : Sume tibi aromata, primæ myrrhæ et electæ quingentos siclos, et cinnamomi medium, id est, ducentos quinquaginta siclos, calami similiter ducentos quinquaginta,Select Exodus 30:23

24casiæ autem quingentos siclos, in pondere sanctuarii, olei de olivetis mensuram hin :Select Exodus 30:24

25faciesque unctionis oleum sanctum, unguentum compositum opere unguentarii,Select Exodus 30:25

26et unges ex eo tabernaculum testimonii, et arcam testamenti,Select Exodus 30:26

27mensamque cum vasis suis, et candelabrum, et utensilia ejus, altaria thymiamatis,Select Exodus 30:27

28et holocausti, et universam supellectilem quæ ad cultum eorum pertinet.Select Exodus 30:28

29Sanctificabisque omnia, et erunt Sancta sanctorum ; qui tetigerit ea, sanctificabitur.Select Exodus 30:29

30Aaron et filios ejus unges, sanctificabisque eos, ut sacerdotio fungantur mihi.Select Exodus 30:30

31Filiis quoque Israël dices : Hoc oleum unctionis sanctum erit mihi in generationes vestras.Select Exodus 30:31

32Caro hominis non ungetur ex eo, et juxta compositionem ejus non facietis aliud, quia sanctificatum est, et sanctum erit vobis.Select Exodus 30:32

33Homo quicumque tale composuerit, et dederit ex eo alieno, exterminabitur de populo suo.Select Exodus 30:33

34Dixitque Dominus ad Moysen : Sume tibi aromata, stacten et onycha, galbanum boni odoris, et thus lucidissimum ; æqualis ponderis erunt omnia :Select Exodus 30:34

35faciesque thymiama compositum opere unguentarii, mistum diligenter, et purum, et sanctificatione dignissimum.Select Exodus 30:35

36Cumque in tenuissimum pulverem universa contuderis, pones ex eo coram tabernaculo testimonii, in quo loco apparebo tibi. Sanctum sanctorum erit vobis thymiama.Select Exodus 30:36

37Talem compositionem non facietis in usus vestros, quia sanctum est Domino.Select Exodus 30:37

38Homo quicumque fecerit simile, ut odore illius perfruatur, peribit de populis suis.Select Exodus 30:38