31Exodus 31

1Locutusque est Dominus ad Moysen, dicens :Select Exodus 31:1

2Ecce, vocavi ex nomine Beseleel filium Uri filii Hur de tribu Juda,Select Exodus 31:2

3et implevi spiritu Dei, sapientia, et intelligentia et scientia in omni opere,Select Exodus 31:3

4ad excogitandum quidquid fabrefieri potest ex auro, et argento, et ære,Select Exodus 31:4

5marmore, et gemmis, et diversitate lignorum.Select Exodus 31:5

6Dedique ei socium Ooliab filium Achisamech de tribu Dan. Et in corde omnis eruditi posui sapientiam : ut faciant cuncta quæ præcepi tibi,Select Exodus 31:6

7tabernaculum fœderis, et arcam testimonii, et propitiatorium, quod super eam est, et cuncta vasa tabernaculi,Select Exodus 31:7

8mensamque et vasa ejus, candelabrum purissimum cum vasis suis, et altaris thymiamatis,Select Exodus 31:8

9et holocausti, et omnia vasa eorum, labrum cum basi sua,Select Exodus 31:9

10vestes sanctas in ministerio Aaron sacerdoti, et filiis ejus, ut fungantur officio suo in sacris :Select Exodus 31:10

11oleum unctionis, et thymiama aromatum in sanctuario, omnia quæ præcepi tibi, facient.Select Exodus 31:11

12Et locutus est Dominus ad Moysen, dicens :Select Exodus 31:12

13Loquere filiis Israël, et dices ad eos : Videte ut sabbatum meum custodiatis : quia signum est inter me et vos in generationibus vestris : ut sciatis quia ego Dominus, qui sanctifico vos.Select Exodus 31:13

14Custodite sabbatum meum, sanctum est enim vobis : qui polluerit illud, morte morietur ; qui fecerit in eo opus, peribit anima illius de medio populi sui.Select Exodus 31:14

15Sex diebus facietis opus : in die septimo sabbatum est, requies sancta Domino ; omnis qui fecerit opus in hac die, morietur.Select Exodus 31:15

16Custodiant filii Israël sabbatum, et celebrent illud in generationibus suis. Pactum est sempiternumSelect Exodus 31:16

17inter me et filios Israël, signumque perpetuum ; sex enim diebus fecit Dominus cælum et terram, et in septimo ab opere cessavit.Select Exodus 31:17

18Deditque Dominus Moysi, completis hujuscemodi sermonibus in monte Sinai, duas tabulas testimonii lapideas, scriptas digito Dei.Select Exodus 31:18