35Exodus 35

1Igitur congregata omni turba filiorum Israël, dixit ad eos : Hæc sunt quæ jussit Dominus fieri.Select Exodus 35:1

2Sex diebus facietis opus : septimus dies erit vobis sanctus, sabbatum, et requies Domini : qui fecerit opus in eo, occidetur.Select Exodus 35:2

3Non succendetis ignem in omnibus habitaculis vestris per diem sabbati.Select Exodus 35:3

4Et ait Moyses ad omnem catervam filiorum Israël : Iste est sermo quem præcepit Dominus, dicens :Select Exodus 35:4

5Separate apud vos primitias Domino. Omnis voluntarius et prono animo offerat eas Domino : aurum et argentum, et æs,Select Exodus 35:5

6hyacinthum et purpuram, coccumque bis tinctum, et byssum, pilos caprarum,Select Exodus 35:6

7pellesque arietum rubricatas, et janthinas, ligna setim,Select Exodus 35:7

8et oleum ad luminaria concinnanda, et ut conficiatur unguentum, et thymiama suavissimum,Select Exodus 35:8

9lapides onychinos, et gemmas ad ornatum superhumeralis et rationalis.Select Exodus 35:9

10Quisque vestrum sapiens est, veniat, et faciat quod Dominus imperavit :Select Exodus 35:10

11tabernaculum scilicet, et tectum ejus, atque operimentum, annulos, et tabulata cum vectibus, paxillos, et bases :Select Exodus 35:11

12arcam et vectes, propitiatorium, et velum, quod ante illud oppanditur :Select Exodus 35:12

13mensam cum vectibus et vasis, et propositionis panibus :Select Exodus 35:13

14candelabrum ad luminaria sustentanda, vasa illius et lucernas, et oleum ad nutrimenta ignium :Select Exodus 35:14

15altare thymiamatis, et vectes, et oleum unctionis et thymiama ex aromatibus : tentorium ad ostium tabernaculi :Select Exodus 35:15

16altare holocausti, et craticulam ejus æneam cum vectibus et vasis suis : labrum et basim ejus :Select Exodus 35:16

17cortinas atrii cum columnis et basibus, tentorium in foribus vestibuli,Select Exodus 35:17

18paxillos tabernaculi et atrii cum funiculis suis :Select Exodus 35:18

19vestimenta, quorum usus est in ministerio sanctuarii, vestes Aaron pontificis ac filiorum ejus, ut sacerdotio fungantur mihi.Select Exodus 35:19

20Egressaque omnis multitudo filiorum Israël de conspectu Moysi,Select Exodus 35:20

21obtulerunt mente promptissima atque devota primitias Domino, ad faciendum opus tabernaculi testimonii. Quidquid ad cultum et ad vestes sanctas necessarium erat,Select Exodus 35:21

22viri cum mulieribus præbuerunt, armillas et inaures, annulos et dextralia : omne vas aureum in donaria Domini separatum est.Select Exodus 35:22

23Si quis habebat hyacinthum, et purpuram, coccumque bis tinctum, byssum et pilos caprarum, pelles arietum rubricatas, et janthinas,Select Exodus 35:23

24argenti, ærisque metalla, obtulerunt Domino, lignaque setim in varios usus.Select Exodus 35:24

25Sed et mulieres doctæ, quæ neverant, dederunt hyacinthum, purpuram, et vermiculum, ac byssum,Select Exodus 35:25

26et pilos caprarum, sponte propria cuncta tribuentes.Select Exodus 35:26

27Principes vero obtulerunt lapides onychinos, et gemmas ad superhumerale et rationale,Select Exodus 35:27

28aromataque et oleum ad luminaria concinnanda, et ad præparandum unguentum, ac thymiama odoris suavissimi componendum.Select Exodus 35:28

29Omnes viri et mulieres mente devota obtulerunt donaria, ut fierent opera, quæ jusserat Dominus per manum Moysi. Cuncti filii Israël voluntaria Domino dedicaverunt.Select Exodus 35:29

30Dixitque Moyses ad filios Israël : Ecce, vocavit Dominus ex nomine Beseleel filium Uri, filii Hur de tribu Juda,Select Exodus 35:30

31implevitque eum spiritu Dei, sapientia et intelligentia, et scientia et omni doctrina,Select Exodus 35:31

32ad excogitandum, et faciendum opus in auro, et argento, et ære,Select Exodus 35:32

33sculpendisque lapidibus, et opere carpentario, quidquid fabre adinveniri potest,Select Exodus 35:33

34dedit in corde ejus : Ooliab quoque filium Achisamech de tribu Dan :Select Exodus 35:34

35ambos erudivit sapientia, ut faciant opera abietarii, polymitarii, ac plumarii, de hyacintho ac purpura, coccoque bis tincto, et bysso, et texant omnia, ac nova quæque reperiant.Select Exodus 35:35