7Exodus 7

1Dixitque Dominus ad Moysen : Ecce constitui te Deum Pharaonis : et Aaron frater tuus erit propheta tuus.Select Exodus 7:1

2Tu loqueris ei omnia quæ mando tibi : et ille loquetur ad Pharaonem, ut dimittat filios Israël de terra sua.Select Exodus 7:2

3Sed ego indurabo cor ejus, et multiplicabo signa et ostenta mea in terra Ægypti,Select Exodus 7:3

4et non audiet vos : immittamque manum meam super Ægyptum, et educam exercitum et populum meum filios Israël de terra Ægypti per judicia maxima.Select Exodus 7:4

5Et scient Ægyptii quia ego sum Dominus qui extenderim manum meam super Ægyptum, et eduxerim filios Israël de medio eorum.Select Exodus 7:5

6Fecit itaque Moyses et Aaron sicut præceperat Dominus : ita egerunt.Select Exodus 7:6

7Erat autem Moyses octoginta annorum, et Aaron octoginta trium, quando locuti sunt ad Pharaonem.Select Exodus 7:7

8Dixitque Dominus ad Moysen et Aaron :Select Exodus 7:8

9Cum dixerit vobis Pharao, Ostendite signa : dices ad Aaron : Tolle virgam tuam, et projice eam coram Pharaone, ac vertetur in colubrum.Select Exodus 7:9

10Ingressi itaque Moyses et Aaron ad Pharaonem, fecerunt sicut præceperat Dominus : tulitque Aaron virgam coram Pharaone et servis ejus, quæ versa est in colubrum.Select Exodus 7:10

11Vocavit autem Pharao sapientes et maleficos : et fecerunt etiam ipsi per incantationes ægyptiacas et arcana quædam similiter.Select Exodus 7:11

12Projeceruntque singuli virgas suas, quæ versæ sunt in dracones : sed devoravit virga Aaron virgas eorum.Select Exodus 7:12

13Induratumque est cor Pharaonis, et non audivit eos, sicut præceperat Dominus.Select Exodus 7:13

14Dixit autem Dominus ad Moysen : Ingravatum est cor Pharaonis : non vult dimittere populum.Select Exodus 7:14

15Vade ad eum mane, ecce egredietur ad aquas : et stabis in occursum ejus super ripam fluminis : et virgam quæ conversa est in draconem, tolles in manu tua.Select Exodus 7:15

16Dicesque ad eum : Dominus Deus Hebræorum misit me ad te, dicens : Dimitte populum meum ut sacrificet mihi in deserto : et usque ad præsens audire noluisti.Select Exodus 7:16

17Hæc igitur dicit Dominus : In hoc scies quod sim Dominus : ecce percutiam virga, quæ in manu mea est, aquam fluminis, et vertetur in sanguinem.Select Exodus 7:17

18Pisces quoque, qui sunt in fluvio, morientur, et computrescent aquæ, et affligentur Ægyptii bibentes aquam fluminis.Select Exodus 7:18

19Dixit quoque Dominus ad Moysen : Dic ad Aaron : Tolle virgam tuam, et extende manum tuam super aquas Ægypti, et super fluvios eorum, et rivos ac paludes, et omnes lacus aquarum, ut vertantur in sanguinem : et sit cruor in omni terra Ægypti, tam in ligneis vasis quam in saxeis.Select Exodus 7:19

20Feceruntque Moyses et Aaron sicut præceperat Dominus : et elevans virgam percussit aquam fluminis coram Pharaone et servis ejus : quæ versa est in sanguinem.Select Exodus 7:20

21Et pisces, qui erant in flumine, mortui sunt : computruitque fluvius, et non poterant Ægyptii bibere aquam fluminis, et fuit sanguis in tota terra Ægypti.Select Exodus 7:21

22Feceruntque similiter malefici Ægyptiorum incantationibus suis : et induratum est cor Pharaonis, nec audivit eos, sicut præceperat Dominus.Select Exodus 7:22

23Avertitque se, et ingressus est domum suam, nec apposuit cor etiam hac vice.Select Exodus 7:23

24Foderunt autem omnes Ægyptii per circuitum fluminis aquam ut biberent : non enim poterant bibere de aqua fluminis.Select Exodus 7:24

25Impletique sunt septem dies, postquam percussit Dominus fluvium.Select Exodus 7:25