12Hosea 12

1Ephraim pascit ventum, et sequitur æstum ; tota die mendacium et vastitatem multiplicat : et fœdus cum Assyriis iniit, et oleum in Ægyptum ferebat.Select Hosea 12:1

2Judicium ergo Domini cum Juda, et visitatio super Jacob : juxta vias ejus, et juxta adinventiones ejus reddet ei.Select Hosea 12:2

3In utero supplantavit fratrem suum, et in fortitudine sua directus est cum angelo.Select Hosea 12:3

4Et invaluit ad angelum, et confortatus est ; flevit, et rogavit eum. In Bethel invenit eum, et ibi locutus est nobiscum.Select Hosea 12:4

5Et Dominus Deus exercituum, Dominus memoriale ejus.Select Hosea 12:5

6Et tu ad Deum tuum converteris ; misericordiam et judicium custodi, et spera in Deo tuo semper.Select Hosea 12:6

7Chanaan, in manu ejus statera dolosa, calumniam dilexit.Select Hosea 12:7

8Et dixit Ephraim : Verumtamen dives effectus sum ; inveni idolum mihi : omnes labores mei non invenient mihi iniquitatem quam peccavi.Select Hosea 12:8

9Et ego Dominus Deus tuus ex terra Ægypti : adhuc sedere te faciam in tabernaculis, sicut in diebus festivitatis.Select Hosea 12:9

10Et locutus sum super prophetas, et ego visionem multiplicavi, et in manu prophetarum assimilatus sum.Select Hosea 12:10

11Si Galaad idolum, ergo frustra erant in Galgal bobus immolantes ; nam et altaria eorum quasi acervi super sulcos agri.Select Hosea 12:11

12Fugit Jacob in regionem Syriæ, et servivit Israël in uxorem, et in uxorem servavit.Select Hosea 12:12

13In propheta autem eduxit Dominus Israël de Ægypto, et in propheta servatus est.Select Hosea 12:13

14Ad iracundiam me provocavit Ephraim in amaritudinibus suis : et sanguis ejus super eum veniet, et opprobrium ejus restituet ei Dominus suus.Select Hosea 12:14