2Hosea 2

1Dicite fratribus vestris : Populus meus ; et sorori vestræ : Misericordiam consecuta.Select Hosea 2:1

2Judicate matrem vestram, judicate, quoniam ipsa non uxor mea, et ego non vir ejus. Auferat fornicationes suas a facie sua, et adulteria sua de medio uberum suorum ;Select Hosea 2:2

3ne forte expoliem eam nudam, et statuam eam secundum diem nativitatis suæ, et ponam eam quasi solitudinem, et statuam eam velut terram inviam, et interficiam eam siti.Select Hosea 2:3

4Et filiorum illius non miserebor, quoniam filii fornicationum sunt.Select Hosea 2:4

5Quia fornicata est mater eorum, confusa est quæ concepit eos ; quia dixit : Vadam post amatores meos, qui dant panes mihi, et aquas meas, lanam meam, et linum meum, oleum meum, et potum meum.Select Hosea 2:5

6Propter hoc ecce ego sepiam viam tuam spinis, et sepiam eam maceria, et semitas suas non inveniet.Select Hosea 2:6

7Et sequetur amatores suos, et non apprehendet eos ; et quæret eos, et non inveniet : et dicet : Vadam, et revertar ad virum meum priorem, quia bene mihi erat tunc magis quam nunc.Select Hosea 2:7

8Et hæc nescivit, quia ego dedi ei frumentum, et vinum, et oleum, et argentum multiplicavi ei, et aurum, quæ fecerunt Baal.Select Hosea 2:8

9Idcirco convertar, et sumam frumentum meum in tempore suo, et vinum meum in tempore suo. Et liberabo lanam meam et linum meum, quæ operiebant ignominiam ejus.Select Hosea 2:9

10Et nunc revelabo stultitiam ejus in oculis amatorum ejus ; et vir non eruet eam de manu mea ;Select Hosea 2:10

11et cessare faciam omne gaudium ejus, solemnitatem ejus, neomeniam ejus, sabbatum ejus, et omnia festa tempora ejus.Select Hosea 2:11

12Et corrumpam vineam ejus, et ficum ejus, de quibus dixit : Mercedes hæ meæ sunt, quas dederunt mihi amatores mei ; et ponam eam in saltum, et comedet eam bestia agri.Select Hosea 2:12

13Et visitabo super eam dies Baalim, quibus accendebat incensum, et ornabatur in aure sua, et monili suo. Et ibat post amatores suos, et mei obliviscebatur, dicit Dominus.Select Hosea 2:13

14Propter hoc ecce ego lactabo eam, et ducam eam in solitudinem, et loquar ad cor ejus.Select Hosea 2:14

15Et dabo ei vinitores ejus ex eodem loco, et vallem Achor, ad aperiendam spem ; et canet ibi juxta dies juventutis suæ, et juxta dies ascensionis suæ de terra Ægypti.Select Hosea 2:15

16Et erit in die illa, ait Dominus : vocabit me, Vir meus, et non vocabit me ultra Baali.Select Hosea 2:16

17Et auferam nomina Baalim de ore ejus, et non recordabitur ultra nominis eorum.Select Hosea 2:17

18Et percutiam cum eis fœdus in die illa, cum bestia agri, et cum volucre cæli, et cum reptili terræ ; et arcum, et gladium, et bellum conteram de terra, et dormire eos faciam fiducialiter.Select Hosea 2:18

19Et sponsabo te mihi in sempiternum ; et sponsabo te mihi in justitia, et judicio, et in misericordia, et in miserationibus.Select Hosea 2:19

20Et sponsabo te mihi in fide ; et scies quia ego Dominus.Select Hosea 2:20

21Et erit in die illa : exaudiam, dicit Dominus, exaudiam cælos, et illi exaudient terram.Select Hosea 2:21

22Et terra exaudiet triticum, et vinum, et oleum, et hæc exaudient Jezrahel.Select Hosea 2:22

23Et seminabo eam mihi in terra, et miserebor ejus quæ fuit Absque misericordia.Select Hosea 2:23

24Et dicam Non populo meo : Populus meus es tu ; et ipse dicet : Deus meus es tu.Select Hosea 2:24