7Hosea 7

1Cum sanare vellem Israël, revelata est iniquitas Ephraim, et malitia Samariæ, quia operati sunt mendacium ; et fur ingressus est spolians, latrunculus foris.Select Hosea 7:1

2Et ne forte dicant in cordibus suis, omnem malitiam eorum me recordatum, nunc circumdederunt eos adinventiones suæ : coram facie mea factæ sunt.Select Hosea 7:2

3In malitia sua lætificaverunt regem, et in mendaciis suis principes.Select Hosea 7:3

4Omnes adulterantes, quasi clibanus succensus a coquente ; quievit paululum civitas a commistione fermenti, donec fermentaretur totum.Select Hosea 7:4

5Dies regis nostri : cœperunt principes furere a vino ; extendit manum suam cum illusoribus.Select Hosea 7:5

6Quia applicuerunt quasi clibanum cor suum, cum insidiaretur eis ; tota nocte dormivit coquens eos : mane ipse succensus quasi ignis flammæ.Select Hosea 7:6

7Omnes calefacti sunt quasi clibanus, et devoraverunt judices suos : omnes reges eorum ceciderunt ; non est qui clamat in eis ad me.Select Hosea 7:7

8Ephraim in populis ipse commiscebatur ; Ephraim factus est subcinericius panis, qui non reversatur.Select Hosea 7:8

9Comederunt alieni robur ejus, et ipse nescivit ; sed et cani effusi sunt in eo, et ipse ignoravit.Select Hosea 7:9

10Et humiliabitur superbia Israël in facie ejus ; nec reversi sunt ad Dominum Deum suum, et non quæsierunt eum in omnibus his.Select Hosea 7:10

11Et factus est Ephraim quasi columba seducta non habens cor. Ægyptum invocabant ; ad Assyrios abierunt.Select Hosea 7:11

12Et cum profecti fuerint, expandam super eos rete meum : quasi volucrem cæli detraham eos ; cædam eos secundum auditionem cœtus eorum.Select Hosea 7:12

13Væ eis, quoniam recesserunt a me ! vastabuntur, quia prævaricati sunt in me, et ego redemi eos, et ipsi locuti sunt contra me mendacia.Select Hosea 7:13

14Et non clamaverunt ad me in corde suo, sed ululabant in cubilibus suis : super triticum et vinum ruminabant ; recesserunt a me.Select Hosea 7:14

15Et ego erudivi eos, et confortavi brachia eorum, et in me cogitaverunt malitiam.Select Hosea 7:15

16Reversi sunt ut essent absque jugo ; facti sunt quasi arcus dolosus : cadent in gladio principes eorum, a furore linguæ suæ. Ista subsannatio eorum in terra Ægypti.Select Hosea 7:16