13Hebrews 13

1Caritas fraternitatis maneat in vobis,Select Hebrews 13:1

2et hospitalitatem nolite oblivisci : per hanc enim latuerunt quidam, angelis hospitio receptis.Select Hebrews 13:2

3Mementote vinctorum, tamquam simul vincti : et laborantium, tamquam et ipsi in corpore morantes.Select Hebrews 13:3

4Honorabile connubium in omnibus, et thorus immaculatus. Fornicatores enim, et adulteros judicabit Deus.Select Hebrews 13:4

5Sint mores sine avaritia, contenti præsentibus : ipse enim dixit : Non te deseram, neque derelinquam :Select Hebrews 13:5

6ita ut confidenter dicamus : Dominus mihi adjutor : non timebo quid faciat mihi homo.Select Hebrews 13:6

7Mementote præpositorum vestrorum, qui vobis locuti sunt verbum Dei : quorum intuentes exitum conversationis, imitamini fidem.Select Hebrews 13:7

8Jesus Christus heri, et hodie : ipse et in sæcula.Select Hebrews 13:8

9Doctrinis variis et peregrinis nolite abduci. Optimum est enim gratia stabilire cor, non escis : quæ non profuerunt ambulantibus in eis.Select Hebrews 13:9

10Habemus altare, de quo edere non habent potestatem, qui tabernaculo deserviunt.Select Hebrews 13:10

11Quorum enim animalium infertur sanguis pro peccato in Sancta per pontificem, horum corpora cremantur extra castra.Select Hebrews 13:11

12Propter quod et Jesus, ut sanctificaret per suum sanguinem populum, extra portam passus est.Select Hebrews 13:12

13Exeamus igitur ad eum extra castra, improperium ejus portantes.Select Hebrews 13:13

14Non enim habemus hic manentem civitatem, sed futuram inquirimus.Select Hebrews 13:14

15Per ipsum ergo offeramus hostiam laudis semper Deo, id est, fructum labiorum confitentium nomini ejus.Select Hebrews 13:15

16Beneficentiæ autem et communionis nolite oblivisci : talibus enim hostiis promeretur Deus.Select Hebrews 13:16

17Obedite præpositis vestris, et subjacete eis. Ipsi enim pervigilant quasi rationem pro animabus vestris reddituri, ut cum gaudio hoc faciant, et non gementes : hoc enim non expedit vobis.Select Hebrews 13:17

18Orate pro nobis : confidimus enim quia bonam conscientiam habemus in omnibus bene volentes conversari.Select Hebrews 13:18

19Amplius autem deprecor vos hoc facere, quo celerius restituar vobis.Select Hebrews 13:19

20Deus autem pacis, qui eduxit de mortuis pastorem magnum ovium, in sanguine testamenti æterni, Dominum nostrum Jesum Christum,Select Hebrews 13:20

21aptet vos in omni bono, ut faciatis ejus voluntatem : faciens in vobis quod placeat coram se per Jesum Christum : cui est gloria in sæcula sæculorum. Amen.Select Hebrews 13:21

22Rogo autem vos fratres, ut sufferatis verbum solatii. Etenim perpaucis scripsi vobis.Select Hebrews 13:22

23Cognoscite fratrem nostrum Timotheum dimissum : cum quo (si celerius venerit) videbo vos.Select Hebrews 13:23

24Salutate omnes præpositos vestros, et omnes sanctos. Salutant vos de Italia fratres.Select Hebrews 13:24

25Gratia cum omnibus vobis. Amen.Select Hebrews 13:25