4Hebrews 4

1Timeamus ergo ne forte relicta pollicitatione introëundi in requiem ejus, existimetur aliquis ex vobis deesse.Select Hebrews 4:1

2Etenim et nobis nuntiatum est, quemadmodum et illis : sed non profuit illis sermo auditus, non admistus fidei ex iis quæ audierunt.Select Hebrews 4:2

3Ingrediemur enim in requiem, qui credidimus : quemadmodum dixit : Sicut juravi in ira mea : Si introibunt in requiem meam : et quidem operibus ab institutione mundi perfectis.Select Hebrews 4:3

4Dixit enim in quodam loco de die septima sic : Et requievit Deus die septima ab omnibus operibus suis.Select Hebrews 4:4

5Et in isto rursum : Si introibunt in requiem meam.Select Hebrews 4:5

6Quoniam ergo superest introire quosdam in illam, et ii, quibus prioribus annuntiatum est, non introierunt propter incredulitatem :Select Hebrews 4:6

7iterum terminat diem quemdam, Hodie, in David dicendo, post tantum temporis, sicut supra dictum est : Hodie si vocem ejus audieritis, nolite obdurare corda vestra.Select Hebrews 4:7

8Nam si eis Jesus requiem præstitisset, numquam de alia loqueretur, posthac, die.Select Hebrews 4:8

9Itaque relinquitur sabbatismus populo Dei.Select Hebrews 4:9

10Qui enim ingressus est in requiem ejus, etiam ipse requievit ab operibus suis, sicut a suis Deus.Select Hebrews 4:10

11Festinemus ergo ingredi in illam requiem : ut ne in idipsum quis incidat incredulitatis exemplum.Select Hebrews 4:11

12Vivus est enim sermo Dei, et efficax et penetrabilior omni gladio ancipiti : et pertingens usque ad divisionem animæ ac spiritus : compagum quoque ac medullarum, et discretor cogitationum et intentionum cordis.Select Hebrews 4:12

13Et non est ulla creatura invisibilis in conspectu ejus : omnia autem nuda et aperta sunt oculis ejus, ad quem nobis sermo.Select Hebrews 4:13

14Habentes ergo pontificem magnum qui penetravit cælos, Jesum Filium Dei, teneamus confessionem.Select Hebrews 4:14

15Non enim habemus pontificem qui non possit compati infirmitatibus nostris : tentatum autem per omnia pro similitudine absque peccato.Select Hebrews 4:15

16Adeamus ergo cum fiducia ad thronum gratiæ : ut misericordiam consequamur, et gratiam inveniamus in auxilio opportuno.Select Hebrews 4:16