9Hebrews 9

1Habuit quidem et prius justificationes culturæ, et Sanctum sæculare.Select Hebrews 9:1

2Tabernaculum enim factum est primum, in quo erant candelabra, et mensa, et propositio panum, quæ dicitur Sancta.Select Hebrews 9:2

3Post velamentum autem secundum, tabernaculum, quod dicitur Sancta sanctorum :Select Hebrews 9:3

4aureum habens thuribulum, et arcam testamenti circumtectam ex omni parte auro, in qua urna aurea habens manna, et virga Aaron, quæ fronduerat, et tabulæ testamenti,Select Hebrews 9:4

5superque eam erant cherubim gloriæ obumbrantia propitiatorium : de quibus non est modo dicendum per singula.Select Hebrews 9:5

6His vero ita compositis, in priori quidem tabernaculo semper introibant sacerdotes, sacrificiorum officia consummantes :Select Hebrews 9:6

7in secundo autem semel in anno solus pontifex non sine sanguine, quem offert pro sua et populi ignorantia :Select Hebrews 9:7

8hoc significante Spiritu Sancto, nondum propalatam esse sanctorum viam, adhuc priore tabernaculo habente statum :Select Hebrews 9:8

9quæ parabola est temporis instantis : juxta quam munera, et hostiæ offeruntur, quæ non possunt juxta conscientiam perfectum facere servientem, solummodo in cibis, et in potibus,Select Hebrews 9:9

10et variis baptismatibus, et justitiis carnis usque ad tempus correctionis impositis.Select Hebrews 9:10

11Christus autem assistens pontifex futurorum bonorum, per amplius et perfectius tabernaculum, non manufactum, id est, non hujus creationis :Select Hebrews 9:11

12neque per sanguinem hircorum aut vitulorum, sed per proprium sanguinem introivit semel in Sancta, æterna redemptione inventa.Select Hebrews 9:12

13Si enim sanguis hircorum et taurorum, et cinis vitulæ aspersus inquinatos sanctificat ad emundationem carnis :Select Hebrews 9:13

14quanto magis sanguis Christi, qui per Spiritum Sanctum semetipsum obtulit immaculatum Deo, emundabit conscientiam nostram ab operibus mortuis, ad serviendum Deo viventi ?Select Hebrews 9:14

15Et ideo novi testamenti mediator est : ut morte intercedente, in redemptionem earum prævaricationum, quæ erant sub priori testamento, repromissionem accipiant qui vocati sunt æternæ hæreditatis.Select Hebrews 9:15

16Ubi enim testamentum est, mors necesse est intercedat testatoris.Select Hebrews 9:16

17Testamentum enim in mortuis confirmatum est : alioquin nondum valet, dum vivit qui testatus est.Select Hebrews 9:17

18Unde nec primum quidem sine sanguine dedicatum est.Select Hebrews 9:18

19Lecto enim omni mandato legis a Moyse universo populo, accipiens sanguinem vitulorum et hircorum cum aqua, et lana coccinea, et hyssopo, ipsum quoque librum, et omnem populum aspersit,Select Hebrews 9:19

20dicens : Hic sanguis testamenti, quod mandavit ad vos Deus.Select Hebrews 9:20

21Etiam tabernaculum et omnia vasa ministerii sanguine similiter aspersit.Select Hebrews 9:21

22Et omnia pene in sanguine secundum legem mundantur : et sine sanguinis effusione non fit remissio.Select Hebrews 9:22

23Necesse est ergo exemplaria quidem cælestium his mundari : ipsa autem cælestia melioribus hostiis quam istis.Select Hebrews 9:23

24Non enim in manufacta Sancta Jesus introivit exemplaria verorum : sed in ipsum cælum, ut appareat nunc vultui Dei pro nobis :Select Hebrews 9:24

25neque ut sæpe offerat semetipsum, quemadmodum pontifex intrat in Sancta per singulos annos in sanguine alieno :Select Hebrews 9:25

26alioquin oportebat eum frequenter pati ab origine mundi : nunc autem semel in consummatione sæculorum, ad destitutionem peccati, per hostiam suam apparuit.Select Hebrews 9:26

27Et quemadmodum statutum est hominibus semel mori, post hoc autem judicium :Select Hebrews 9:27

28sic et Christus semel oblatus est ad multorum exhaurienda peccata : secundo sine peccato apparebit exspectantibus se, in salutem.Select Hebrews 9:28