11 Corinthians 1

1Paulus vocatus Apostolus Jesu Christi per voluntatem Dei, et Sosthenes frater,Select 1 Corinthians 1:1

2ecclesiæ Dei, quæ est Corinthi, sanctificatis in Christo Jesu, vocatis sanctis, cum omnibus qui invocant nomen Domini nostri Jesu Christi, in omni loco ipsorum et nostro.Select 1 Corinthians 1:2

3Gratia vobis, et pax a Deo Patre nostro, et Domino Jesu Christo.Select 1 Corinthians 1:3

4Gratias ago Deo meo semper pro vobis in gratia Dei, quæ data est vobis in Christo Jesu :Select 1 Corinthians 1:4

5quod in omnibus divites facti estis in illo, in omni verbo, et in omni scientia.Select 1 Corinthians 1:5

6Sicut testimonium Christi confirmatum est in vobis :Select 1 Corinthians 1:6

7ita ut nihil vobis desit in ulla gratia, exspectantibus revelationem Domini nostri Jesu Christi,Select 1 Corinthians 1:7

8qui et confirmabit vos usque in finem sine crimine, in die adventus Domini nostri Jesu Christi.Select 1 Corinthians 1:8

9Fidelis Deus : per quem vocati estis in societatem filii ejus Jesu Christi Domini nostri.Select 1 Corinthians 1:9

10Obsecro autem vos fratres per nomen Domini nostri Jesu Christi : ut idipsum dicatis omnes, et non sint in vobis schismata : sitis autem perfecti in eodem sensu, et in eadem sententia.Select 1 Corinthians 1:10

11Significatum est enim mihi de vobis fratres mei ab iis, qui sunt Chloës, quia contentiones sunt inter vos.Select 1 Corinthians 1:11

12Hoc autem dico, quod unusquisque vestrum dicit : Ego quidem sum Pauli : ego autem Apollo : ego vero Cephæ : ego autem Christi.Select 1 Corinthians 1:12

13Divisus est Christus ? numquid Paulus crucifixus est pro vobis ? aut in nomine Pauli baptizati estis ?Select 1 Corinthians 1:13

14Gratias ago Deo, quod neminem vestrum baptizavi, nisi Crispum et Caium :Select 1 Corinthians 1:14

15ne quis dicat quod in nomine meo baptizati estis.Select 1 Corinthians 1:15

16Baptizavi autem et Stephanæ domum : ceterum nescio si quem alium baptizaverim.Select 1 Corinthians 1:16

17Non enim misit me Christus baptizare, sed evangelizare : non in sapientia verbi, ut non evacuetur crux Christi.Select 1 Corinthians 1:17

18Verbum enim crucis pereuntibus quidem stultitia est : iis autem qui salvi fiunt, id est nobis, Dei virtus est.Select 1 Corinthians 1:18

19Scriptum est enim : Perdam sapientiam sapientium, et prudentiam prudentium reprobabo.Select 1 Corinthians 1:19

20Ubi sapiens ? ubi scriba ? ubi conquisitor hujus sæculi ? Nonne stultam fecit Deus sapientiam hujus mundi ?Select 1 Corinthians 1:20

21Nam quia in Dei sapientia non cognovit mundus per sapientiam Deum : placuit Deo per stultitiam prædicationis salvos facere credentes.Select 1 Corinthians 1:21

22Quoniam et Judæi signa petunt, et Græci sapientiam quærunt :Select 1 Corinthians 1:22

23nos autem prædicamus Christum crucifixum : Judæis quidem scandalum, gentibus autem stultitiam,Select 1 Corinthians 1:23

24ipsis autem vocatis Judæis, atque Græcis Christum Dei virtutem, et Dei sapientiam :Select 1 Corinthians 1:24

25quia quod stultum est Dei, sapientius est hominibus : et quod infirmum est Dei, fortius est hominibus.Select 1 Corinthians 1:25

26Videte enim vocationem vestram, fratres, quia non multi sapientes secundum carnem, non multi potentes, non multi nobiles :Select 1 Corinthians 1:26

27sed quæ stulta sunt mundi elegit Deus, ut confundat sapientes : et infirma mundi elegit Deus, ut confundat fortia :Select 1 Corinthians 1:27

28et ignobilia mundi, et contemptibilia elegit Deus, et ea quæ non sunt, ut ea quæ sunt destrueret :Select 1 Corinthians 1:28

29ut non glorietur omnis caro in conspectu ejus.Select 1 Corinthians 1:29

30Ex ipso autem vos estis in Christo Jesu, qui factus est nobis sapientia a Deo, et justitia, et sanctificatio, et redemptio :Select 1 Corinthians 1:30

31ut quemadmodum scriptum est : Qui gloriatur, in Domino glorietur.Select 1 Corinthians 1:31