141 Corinthians 14

1Sectamini caritatem, æmulamini spiritualia : magis autem ut prophetetis.Select 1 Corinthians 14:1

2Qui enim loquitur lingua, non hominibus loquitur, sed Deo : nemo enim audit. Spiritu autem loquitur mysteria.Select 1 Corinthians 14:2

3Nam qui prophetat, hominibus loquitur ad ædificationem, et exhortationem, et consolationem.Select 1 Corinthians 14:3

4Qui loquitur lingua, semetipsum ædificat : qui autem prophetat, ecclesiam Dei ædificat.Select 1 Corinthians 14:4

5Volo autem omnes vos loqui linguis : magis autem prophetare. Nam major est qui prophetat, quam qui loquitur linguis ; nisi forte interpretetur ut ecclesia ædificationem accipiat.Select 1 Corinthians 14:5

6Nunc autem, fratres, si venero ad vos linguis loquens : quid vobis prodero, nisi vobis loquar aut in revelatione, aut in scientia, aut in prophetia, aut in doctrina ?Select 1 Corinthians 14:6

7Tamen quæ sine anima sunt vocem dantia, sive tibia, sive cithara ; nisi distinctionem sonituum dederint, quomodo scietur id quod canitur, aut quod citharizatur ?Select 1 Corinthians 14:7

8Etenim si incertam vocem det tuba, quis parabit se ad bellum ?Select 1 Corinthians 14:8

9Ita et vos per linguam nisi manifestum sermonem dederitis : quomodo scietur id quod dicitur ? eritis enim in aëra loquentes.Select 1 Corinthians 14:9

10Tam multa, ut puta genera linguarum sunt in hoc mundo : et nihil sine voce est.Select 1 Corinthians 14:10

11Si ergo nesciero virtutem vocis, ero ei, cui loquor, barbarus : et qui loquitur, mihi barbarus.Select 1 Corinthians 14:11

12Sic et vos, quoniam æmulatores estis spirituum, ad ædificationem ecclesiæ quærite ut abundetis.Select 1 Corinthians 14:12

13Et ideo qui loquitur lingua, oret ut interpretetur.Select 1 Corinthians 14:13

14Nam si orem lingua, spiritus meus orat, mens autem mea sine fructu est.Select 1 Corinthians 14:14

15Quid ergo est ? Orabo spiritu, orabo et mente : psallam spiritu, psallam et mente.Select 1 Corinthians 14:15

16Ceterum si benedixeris spiritu, qui supplet locum idiotæ, quomodo dicet : Amen, super tuam benedictionem ? quoniam quid dicas, nescit.Select 1 Corinthians 14:16

17Nam tu quidem bene gratias agis, sed alter non ædificatur.Select 1 Corinthians 14:17

18Gratias ago Deo meo, quod omnium vestrum lingua loquor.Select 1 Corinthians 14:18

19Sed in ecclesia volo quinque verba sensu meo loqui, ut et alios instruam : quam decem millia verborum in lingua.Select 1 Corinthians 14:19

20Fratres, nolite pueri effici sensibus, sed malitia parvuli estote : sensibus autem perfecti estote.Select 1 Corinthians 14:20

21In lege scriptum est : Quoniam in aliis linguis et labiis aliis loquar populo huic : et nec sic exaudient me, dicit Dominus.Select 1 Corinthians 14:21

22Itaque linguæ in signum sunt non fidelibus, sed infidelibus : prophetiæ autem non infidelibus, sed fidelibus.Select 1 Corinthians 14:22

23Si ergo conveniat universa ecclesia in unum, et omnes linguis loquantur, intrent autem idiotæ, aut infideles : nonne dicent quod insanitis ?Select 1 Corinthians 14:23

24Si autem omnes prophetent, intret autem quis infidelis, vel idiota, convincitur ab omnibus, dijudicatur ab omnibus :Select 1 Corinthians 14:24

25occulta cordis ejus manifesta fiunt : et ita cadens in faciem adorabit Deum, pronuntians quod vere Deus in vobis sit.Select 1 Corinthians 14:25

26Quid ergo est, fratres ? Cum convenitis, unusquisque vestrum psalmum habet, doctrinam habet, apocalypsim habet, linguam habet, interpretationem habet : omnia ad ædificationem fiant.Select 1 Corinthians 14:26

27Sive lingua quis loquitur, secundum duos, aut ut multum tres, et per partes, et unus interpretatur.Select 1 Corinthians 14:27

28Si autem non fuerit interpres, taceat in ecclesia : sibi autem loquatur, et Deo.Select 1 Corinthians 14:28

29Prophetæ autem duo, aut tres dicant, et ceteri dijudicent.Select 1 Corinthians 14:29

30Quod si alii revelatum fuerit sedenti, prior taceat.Select 1 Corinthians 14:30

31Potestis enim omnes per singulos prophetare : ut omnes discant, et omnes exhortentur :Select 1 Corinthians 14:31

32et spiritus prophetarum prophetis subjecti sunt.Select 1 Corinthians 14:32

33Non enim est dissensionis Deus, sed pacis : sicut et in omnibus ecclesiis sanctorum doceo.Select 1 Corinthians 14:33

34Mulieres in ecclesiis taceant, non enim permittitur eis loqui, sed subditas esse, sicut et lex dicit.Select 1 Corinthians 14:34

35Si quid autem volunt discere, domi viros suos interrogent. Turpe est enim mulieri loqui in ecclesia.Select 1 Corinthians 14:35

36An a vobis verbum Dei processit ? aut in vos solos pervenit ?Select 1 Corinthians 14:36

37Si quis videtur propheta esse, aut spiritualis, cognoscat quæ scribo vobis, quia Domini sunt mandata.Select 1 Corinthians 14:37

38Si quis autem ignorat, ignorabitur.Select 1 Corinthians 14:38

39Itaque fratres æmulamini prophetare : et loqui linguis nolite prohibere.Select 1 Corinthians 14:39

40Omnia autem honeste, et secundum ordinem fiant.Select 1 Corinthians 14:40