151 Corinthians 15

1Notum autem vobis facio, fratres, Evangelium, quod prædicavi vobis, quod et accepistis, in quo et statis,Select 1 Corinthians 15:1

2per quod et salvamini : qua ratione prædicaverim vobis, si tenetis, nisi frustra credidistis.Select 1 Corinthians 15:2

3Tradidi enim vobis in primis quod et accepi : quoniam Christus mortuus est pro peccatis nostris secundum Scripturas :Select 1 Corinthians 15:3

4et quia sepultus est, et quia resurrexit tertia die secundum Scripturas :Select 1 Corinthians 15:4

5et quia visus est Cephæ, et post hoc undecim :Select 1 Corinthians 15:5

6deinde visus est plus quam quingentis fratribus simul : ex quibus multi manent usque adhuc, quidam autem dormierunt :Select 1 Corinthians 15:6

7deinde visus est Jacobo, deinde Apostolis omnibus :Select 1 Corinthians 15:7

8novissime autem omnium tamquam abortivo, visus est et mihi.Select 1 Corinthians 15:8

9Ego enim sum minimus Apostolorum, qui non sum dignus vocari Apostolus, quoniam persecutus sum ecclesiam Dei.Select 1 Corinthians 15:9

10Gratia autem Dei sum id quod sum, et gratia ejus in me vacua non fuit, sed abundantius illis omnibus laboravi : non ego autem, sed gratia Dei mecum :Select 1 Corinthians 15:10

11sive enim ego, sive illi : sic prædicamus, et sic credidistis.Select 1 Corinthians 15:11

12Si autem Christus prædicatur quod resurrexit a mortuis, quomodo quidam dicunt in vobis, quoniam resurrectio mortuorum non est ?Select 1 Corinthians 15:12

13Si autem resurrectio mortuorum non est : neque Christus resurrexit.Select 1 Corinthians 15:13

14Si autem Christus non resurrexit, inanis est ergo prædicatio nostra, inanis est et fides vestra :Select 1 Corinthians 15:14

15invenimur autem et falsi testes Dei : quoniam testimonium diximus adversus Deum quod suscitaverit Christum, quem non suscitavit, si mortui non resurgunt.Select 1 Corinthians 15:15

16Nam si mortui non resurgunt, neque Christus resurrexit.Select 1 Corinthians 15:16

17Quod si Christus non resurrexit, vana est fides vestra : adhuc enim estis in peccatis vestris.Select 1 Corinthians 15:17

18Ergo et qui dormierunt in Christo, perierunt.Select 1 Corinthians 15:18

19Si in hac vita tantum in Christo sperantes sumus, miserabiliores sumus omnibus hominibus.Select 1 Corinthians 15:19

20Nunc autem Christus resurrexit a mortuis primitiæ dormientium,Select 1 Corinthians 15:20

21quoniam quidem per hominem mors, et per hominem resurrectio mortuorum.Select 1 Corinthians 15:21

22Et sicut in Adam omnes moriuntur, ita et in Christo omnes vivificabuntur.Select 1 Corinthians 15:22

23Unusquisque autem in suo ordine, primitiæ Christus : deinde ii qui sunt Christi, qui in adventu ejus crediderunt.Select 1 Corinthians 15:23

24Deinde finis : cum tradiderit regnum Deo et Patri, cum evacuaverit omnem principatum, et potestatem, et virtutem.Select 1 Corinthians 15:24

25Oportet autem illum regnare donec ponat omnes inimicos sub pedibus ejus.Select 1 Corinthians 15:25

26Novissima autem inimica destruetur mors : omnia enim subjecit pedibus ejus. Cum autem dicat :Select 1 Corinthians 15:26

27Omnia subjecta sunt ei, sine dubio præter eum qui subjecit ei omnia.Select 1 Corinthians 15:27

28Cum autem subjecta fuerint illi omnia : tunc et ipse Filius subjectus erit ei, qui subjecit sibi omnia, ut sit Deus omnia in omnibus.Select 1 Corinthians 15:28

29Alioquin quid facient qui baptizantur pro mortuis, si omnino mortui non resurgunt ? ut quid et baptizantur pro illis ?Select 1 Corinthians 15:29

30ut quid et nos periclitamur omni hora ?Select 1 Corinthians 15:30

31Quotidie morior per vestram gloriam, fratres, quam habeo in Christo Jesu Domino nostro.Select 1 Corinthians 15:31

32Si secundum hominem ad bestias pugnavi Ephesi, quid mihi prodest, si mortui non resurgunt ? Manducemus, et bibamus, cras enim moriemur.Select 1 Corinthians 15:32

33Nolite seduci : corrumpunt mores bonos colloquia mala.Select 1 Corinthians 15:33

34Evigilate justi, et nolite peccare : ignorantiam enim Dei quidam habent, ad reverentiam vobis loquor.Select 1 Corinthians 15:34

35Sed dicet aliquis : Quomodo resurgunt mortui ? qualive corpore venient ?Select 1 Corinthians 15:35

36Insipiens, tu quod seminas non vivificatur, nisi prius moriatur :Select 1 Corinthians 15:36

37et quod seminas, non corpus, quod futurum est, seminas, sed nudum granum, ut puta tritici, aut alicujus ceterorum.Select 1 Corinthians 15:37

38Deus autem dat illi corpus sicut vult : ut unicuique seminum proprium corpus.Select 1 Corinthians 15:38

39Non omnis caro, eadem caro : sed alia quidem hominum, alia vero pecorum, alia volucrum, alia autem piscium.Select 1 Corinthians 15:39

40Et corpora cælestia, et corpora terrestria : sed alia quidem cælestium gloria, alia autem terrestrium.Select 1 Corinthians 15:40

41Alia claritas solis, alia claritas lunæ, et alia claritas stellarum. Stella enim a stella differt in claritate :Select 1 Corinthians 15:41

42sic et resurrectio mortuorum. Seminatur in corruptione, surget in incorruptione.Select 1 Corinthians 15:42

43Seminatur in ignobilitate, surget in gloria : seminatur in infirmitate, surget in virtute :Select 1 Corinthians 15:43

44seminatur corpus animale, surget corpus spiritale. Si est corpus animale, est et spiritale, sicut scriptum est :Select 1 Corinthians 15:44

45Factus est primus homo Adam in animam viventem, novissimus Adam in spiritum vivificantem.Select 1 Corinthians 15:45

46Sed non prius quod spiritale est, sed quod animale : deinde quod spiritale.Select 1 Corinthians 15:46

47Primus homo de terra, terrenus : secundus homo de cælo, cælestis.Select 1 Corinthians 15:47

48Qualis terrenus, tales et terreni : et qualis cælestis, tales et cælestes.Select 1 Corinthians 15:48

49Igitur, sicut portavimus imaginem terreni, portemus et imaginem cælestis.Select 1 Corinthians 15:49

50Hoc autem dico, fratres : quia caro et sanguis regnum Dei possidere non possunt : neque corruptio incorruptelam possidebit.Select 1 Corinthians 15:50

51Ecce mysterium vobis dico : omnes quidem resurgemus, sed non omnes immutabimur.Select 1 Corinthians 15:51

52In momento, in ictu oculi, in novissima tuba : canet enim tuba, et mortui resurgent incorrupti : et nos immutabimur.Select 1 Corinthians 15:52

53Oportet enim corruptibile hoc induere incorruptionem : et mortale hoc induere immortalitatem.Select 1 Corinthians 15:53

54Cum autem mortale hoc induerit immortalitatem, tunc fiet sermo, qui scriptus est : Absorpta est mors in victoria.Select 1 Corinthians 15:54

55Ubi est mors victoria tua ? ubi est mors stimulus tuus ?Select 1 Corinthians 15:55

56Stimulus autem mortis peccatum est : virtus vero peccati lex.Select 1 Corinthians 15:56

57Deo autem gratias, qui dedit nobis victoriam per Dominum nostrum Jesum Christum.Select 1 Corinthians 15:57

58Itaque fratres mei dilecti, stabiles estote, et immobiles : abundantes in opere Domini semper, scientes quod labor vester non est inanis in Domino.Select 1 Corinthians 15:58