31 Corinthians 3

1Et ego, fratres, non potui vobis loqui quasi spiritualibus, sed quasi carnalibus. Tamquam parvulis in Christo,Select 1 Corinthians 3:1

2lac vobis potum dedi, non escam : nondum enim poteratis : sed nec nunc quidem potestis : adhuc enim carnales estis.Select 1 Corinthians 3:2

3Cum enim sit inter vos zelus, et contentio : nonne carnales estis, et secundum hominem ambulatis ?Select 1 Corinthians 3:3

4Cum enim quis dicat : Ego quidem sum Pauli ; alius autem : Ego Apollo : nonne homines estis ? Quid igitur est Apollo ? quid vero Paulus ?Select 1 Corinthians 3:4

5ministri ejus, cui credidistis, et unicuique sicut Dominus dedit.Select 1 Corinthians 3:5

6Ego plantavi, Apollo rigavit : sed Deus incrementum dedit.Select 1 Corinthians 3:6

7Itaque neque qui plantat est aliquid, neque qui rigat : sed qui incrementum dat, Deus.Select 1 Corinthians 3:7

8Qui autem plantat, et qui rigat, unum sunt. Unusquisque autem propriam mercedem accipiet, secundum suum laborem.Select 1 Corinthians 3:8

9Dei enim sumus adjutores : Dei agricultura estis, Dei ædificatio estis.Select 1 Corinthians 3:9

10Secundum gratiam Dei, quæ data est mihi, ut sapiens architectus fundamentum posui : alius autem superædificat. Unusquisque autem videat quomodo superædificet.Select 1 Corinthians 3:10

11Fundamentum enim aliud nemo potest ponere præter id quod positum est, quod est Christus Jesus.Select 1 Corinthians 3:11

12Si quis autem superædificat super fundamentum hoc, aurum, argentum, lapides pretiosos, ligna, fœnum, stipulam,Select 1 Corinthians 3:12

13uniuscujusque opus manifestum erit : dies enim Domini declarabit, quia in igne revelabitur : et uniuscujusque opus quale sit, ignis probabit.Select 1 Corinthians 3:13

14Si cujus opus manserit quod superædificavit, mercedem accipiet.Select 1 Corinthians 3:14

15Si cujus opus arserit, detrimentum patietur : ipse autem salvus erit, sic tamen quasi per ignem.Select 1 Corinthians 3:15

16Nescitis quia templum Dei estis, et Spiritus Dei habitat in vobis ?Select 1 Corinthians 3:16

17Si quis autem templum Dei violaverit, disperdet illum Deus. Templum enim Dei sanctum est, quod estis vos.Select 1 Corinthians 3:17

18Nemo se seducat : si quis videtur inter vos sapiens esse in hoc sæculo, stultus fiat ut sit sapiens.Select 1 Corinthians 3:18

19Sapientia enim hujus mundi, stultitia est apud Deum. Scriptum est enim : Comprehendam sapientes in astutia eorum.Select 1 Corinthians 3:19

20Et iterum : Dominus novit cogitationes sapientium quoniam vanæ sunt.Select 1 Corinthians 3:20

21Nemo itaque glorietur in hominibus.Select 1 Corinthians 3:21

22Omnia enim vestra sunt, sive Paulus, sive Apollo, sive Cephas, sive mundus, sive vita, sive mors, sive præsentia, sive futura : omnia enim vestra sunt :Select 1 Corinthians 3:22

23vos autem Christi : Christus autem Dei.Select 1 Corinthians 3:23