41 John 4

1Carissimi, nolite omni spiritui credere, sed probate spiritus si ex Deo sint : quoniam multi pseudoprophetæ exierunt in mundum.Select 1 John 4:1

2In hoc cognoscitur Spiritus Dei : omnis spiritus qui confitetur Jesum Christum in carne venisse, ex Deo est :Select 1 John 4:2

3et omnis spiritus qui solvit Jesum, ex Deo non est, et hic est antichristus, de quo audistis quoniam venit, et nunc jam in mundo est.Select 1 John 4:3

4Vos ex Deo estis filioli, et vicistis eum, quoniam major est qui in vobis est, quam qui in mundo.Select 1 John 4:4

5Ipsi de mundo sunt : ideo de mundo loquuntur, et mundus eos audit.Select 1 John 4:5

6Nos ex Deo sumus. Qui novit Deum, audit nos ; qui non est ex Deo, non audit nos : in hoc cognoscimus Spiritum veritatis, et spiritum erroris.Select 1 John 4:6

7Carissimi, diligamus nos invicem : quia caritas ex Deo est. Et omnis qui diligit, ex Deo natus est, et cognoscit Deum.Select 1 John 4:7

8Qui non diligit, non novit Deum : quoniam Deus caritas est.Select 1 John 4:8

9In hoc apparuit caritas Dei in nobis, quoniam Filium suum unigenitum misit Deus in mundum, ut vivamus per eum.Select 1 John 4:9

10In hoc est caritas : non quasi nos dilexerimus Deum, sed quoniam ipse prior dilexit nos, et misit Filium suum propitiationem pro peccatis nostris.Select 1 John 4:10

11Carissimi, si sic Deus dilexit nos : et nos debemus alterutrum diligere.Select 1 John 4:11

12Deum nemo vidit umquam. Si diligamus invicem, Deus in nobis manet, et caritas ejus in nobis perfecta est.Select 1 John 4:12

13In hoc cognoscimus quoniam in eo manemus, et ipse in nobis : quoniam de Spiritu suo dedit nobis.Select 1 John 4:13

14Et nos vidimus, et testificamur quoniam Pater misit Filium suum Salvatorem mundi.Select 1 John 4:14

15Quisquis confessus fuerit quoniam Jesus est Filius Dei, Deus in eo manet, et ipse in Deo.Select 1 John 4:15

16Et nos cognovimus, et credidimus caritati, quam habet Deus in nobis. Deus caritas est : et qui manet in caritate, in Deo manet, et Deus in eo.Select 1 John 4:16

17In hoc perfecta est caritas Dei nobiscum, ut fiduciam habeamus in die judicii : quia sicut ille est, et nos sumus in hoc mundo.Select 1 John 4:17

18Timor non est in caritate : sed perfecta caritas foras mittit timorem, quoniam timor pœnam habet : qui autem timet, non est perfectus in caritate.Select 1 John 4:18

19Nos ergo diligamus Deum, quoniam Deus prior dilexit nos.Select 1 John 4:19

20Si quis dixerit : Quoniam diligo Deum, et fratrem suum oderit, mendax est. Qui enim non diligit fratrem suum quem vidit, Deum, quem non vidit, quomodo potest diligere ?Select 1 John 4:20

21Et hoc mandatum habemus a Deo : ut qui diligit Deum, diligat et fratrem suum.Select 1 John 4:21