131 Kings 13

1Et ecce vir Dei venit de Juda in sermone Domini in Bethel, Jeroboam stante super altare, et thus jaciente.Select 1 Kings 13:1

2Et exclamavit contra altare in sermone Domini, et ait : Altare, altare, hæc dicit Dominus : Ecce filius nascetur domui David, Josias nomine, et immolabit super te sacerdotes excelsorum, qui nunc in te thura succendunt : et ossa hominum super te incendet.Select 1 Kings 13:2

3Deditque in illa die signum, dicens : Hoc erit signum quod locutus est Dominus : ecce altare scindetur, et effundetur cinis qui in eo est.Select 1 Kings 13:3

4Cumque audisset rex sermonem hominis Dei quem inclamaverat contra altare in Bethel, extendit manum suam de altari, dicens : Apprehendite eum. Et exaruit manus ejus quam extenderat contra eum, nec valuit retrahere eam ad se.Select 1 Kings 13:4

5Altare quoque scissum est, et effusus est cinis de altari, juxta signum quod prædixerat vir Dei in sermone Domini.Select 1 Kings 13:5

6Et ait rex ad virum Dei : Deprecare faciem Domini Dei tui, et ora pro me, ut restituatur manus mea mihi. Oravitque vir Dei faciem Domini, et reversa est manus regis ad eum, et facta est sicut prius fuerat.Select 1 Kings 13:6

7Locutus est autem rex ad virum Dei : Veni mecum domum ut prandeas, et dabo tibi munera.Select 1 Kings 13:7

8Responditque vir Dei ad regem : Si dederis mihi mediam partem domus tuæ, non veniam tecum, nec comedam panem, neque bibam aquam in loco isto :Select 1 Kings 13:8

9sic enim mandatum est mihi in sermone Domini præcipientis : Non comedes panem, neque bibes aquam, nec reverteris per viam qua venisti.Select 1 Kings 13:9

10Abiit ergo per aliam viam, et non est reversus per iter quo venerat in Bethel.Select 1 Kings 13:10

11Prophetes autem quidam senex habitabat in Bethel : ad quem venerunt filii sui, et narraverunt ei omnia opera quæ fecerat vir Dei illa die in Bethel : et verba quæ locutus fuerat ad regem, narraverunt patri suo.Select 1 Kings 13:11

12Et dixit eis pater eorum : Per quam viam abiit ? Ostenderunt ei filii sui viam per quam abierat vir Dei, qui venerat de Juda.Select 1 Kings 13:12

13Et ait filiis suis : Sternite mihi asinum. Qui cum stravissent, ascendit,Select 1 Kings 13:13

14et abiit post virum Dei, et invenit eum sedentem subtus terebinthum : et ait illi : Tune es vir Dei qui venisti de Juda ? Respondit ille : Ego sum.Select 1 Kings 13:14

15Dixitque ad eum : Veni mecum domum, ut comedas panem.Select 1 Kings 13:15

16Qui ait : Non possum reverti, neque venire tecum : nec comedam panem, neque bibam aquam in loco isto,Select 1 Kings 13:16

17quia locutus est Dominus ad me in sermone Domini, dicens : Non comedes panem, et non bibes aquam ibi, nec reverteris per viam qua ieris.Select 1 Kings 13:17

18Qui ait illi : Et ego propheta sum similis tui : et angelus locutus est mihi in sermone Domini, dicens : Reduc eum tecum in domum tuam, ut comedat panem, et bibat aquam. Fefellit eum,Select 1 Kings 13:18

19et reduxit secum : comedit ergo panem in domo ejus, et bibit aquam.Select 1 Kings 13:19

20Cumque sederent ad mensam, factus est sermo Domini ad prophetam qui reduxerat eum.Select 1 Kings 13:20

21Et exclamavit ad virum Dei qui venerat de Juda, dicens : Hæc dicit Dominus : Quia non obediens fuisti ori Domini, et non custodisti mandatum quod præcepit tibi Dominus Deus tuus,Select 1 Kings 13:21

22et reversus es, et comedisti panem, et bibisti aquam in loco in quo præcepit tibi ne comederes panem neque biberes aquam, non inferetur cadaver tuum in sepulchrum patrum tuorum.Select 1 Kings 13:22

23Cumque comedisset et bibisset, stravit asinum suum prophetæ quem reduxerat.Select 1 Kings 13:23

24Qui cum abiisset, invenit eum leo in via, et occidit, et erat cadaver ejus projectum in itinere : asinus autem stabat juxta illum, et leo stabat juxta cadaver.Select 1 Kings 13:24

25Et ecce viri transeuntes viderunt cadaver projectum in via, et leonem stantem juxta cadaver. Et venerunt, et divulgaverunt in civitate in qua prophetes ille senex habitabat.Select 1 Kings 13:25

26Quod cum audisset propheta ille qui reduxerat eum de via, ait : Vir Dei est, qui inobediens fuit ori Domini, et tradidit eum Dominus leoni, et confregit eum, et occidit juxta verbum Domini quod locutus est ei.Select 1 Kings 13:26

27Dixitque ad filios suos : Sternite mihi asinum. Qui cum stravissent,Select 1 Kings 13:27

28et ille abiisset, invenit cadaver ejus projectum in via, et asinum et leonem stantes juxta cadaver : non comedit leo de cadavere, nec læsit asinum.Select 1 Kings 13:28

29Tulit ergo prophetes cadaver viri Dei, et posuit illud super asinum, et reversus intulit in civitatem prophetæ senis ut plangeret eum.Select 1 Kings 13:29

30Et posuit cadaver ejus in sepulchro suo, et planxerunt eum : Heu, heu mi frater !Select 1 Kings 13:30

31Cumque planxissent eum, dixit ad filios suos : Cum mortuus fuero, sepelite me in sepulchro in quo vir Dei sepultus est : juxta ossa ejus ponite ossa mea.Select 1 Kings 13:31

32Profecto enim veniet sermo quem prædixit in sermone Domini contra altare quod est in Bethel, et contra omnia fana excelsorum quæ sunt in urbibus Samariæ.Select 1 Kings 13:32

33Post verba hæc non est reversus Jeroboam de via sua pessima, sed e contrario fecit de novissimis populi sacerdotes excelsorum : quicumque volebat, implebat manum suam, et fiebat sacerdos excelsorum.Select 1 Kings 13:33

34Et propter hanc causam peccavit domus Jeroboam, et eversa est, et deleta de superficie terræ.Select 1 Kings 13:34