11 Peter 1

1Petrus Apostolus Jesu Christi, electis advenis dispersionis Ponti, Galatiæ, Cappadociæ, Asiæ, et Bithyniæ,Select 1 Peter 1:1

2secundum præscientiam Dei Patris, in sanctificationem Spiritus, in obedientiam, et aspersionem sanguinis Jesu Christi. Gratia vobis, et pax multiplicetur.Select 1 Peter 1:2

3Benedictus Deus et Pater Domini nostri Jesu Christi, qui secundum misericordiam suam magnam regeneravit nos in spem vivam, per resurrectionem Jesu Christi ex mortuis,Select 1 Peter 1:3

4in hæreditatem incorruptibilem, et incontaminatam, et immarcescibilem, conservatam in cælis in vobis,Select 1 Peter 1:4

5qui in virtute Dei custodimini per fidem in salutem, paratam revelari in tempore novissimo.Select 1 Peter 1:5

6In quo exsultabis, modicum nunc si oportet contristari in variis tentationibus :Select 1 Peter 1:6

7ut probatio vestræ fidei multo pretiosior auro (quod per ignem probatur) inveniatur in laudem, et gloriam, et honorem in revelatione Jesu Christi :Select 1 Peter 1:7

8quem cum non videritis, diligitis : in quem nunc quoque non videntes creditis : credentes autem exsultabitis lætitia inenarrabili, et glorificata :Select 1 Peter 1:8

9reportantes finem fidei vestræ, salutem animarum.Select 1 Peter 1:9

10De qua salute exquisierunt, atque scrutati sunt prophetæ, qui de futura in vobis gratia prophetaverunt :Select 1 Peter 1:10

11scrutantes in quod vel quale tempus significaret in eis Spiritus Christi : prænuntians eas quæ in Christo sunt passiones, et posteriores glorias :Select 1 Peter 1:11

12quibus revelatum est quia non sibimetipsis, vobis autem ministrabant ea quæ nunc nuntiata sunt vobis per eos qui evangelizaverunt vobis, Spiritu Sancto misso de cælo, in quem desiderant angeli prospicere.Select 1 Peter 1:12

13Propter quod succincti lumbos mentis vestræ, sobrii, perfecte sperate in eam, quæ offertur vobis, gratiam, in revelationem Jesu Christi :Select 1 Peter 1:13

14quasi filii obedientiæ, non configurati prioribus ignorantiæ vestræ desideriis :Select 1 Peter 1:14

15sed secundum eum qui vocavit vos, Sanctum : et ipsi in omni conversatione sancti sitis :Select 1 Peter 1:15

16quoniam scriptum est : Sancti eritis, quoniam ego sanctus sum.Select 1 Peter 1:16

17Et si patrem invocatis eum, qui sine acceptione personarum judicat secundum uniuscujusque opus, in timore incolatus vestri tempore conversamini.Select 1 Peter 1:17

18Scientes quod non corruptibilibus, auro vel argento, redempti estis de vana vestra conversatione paternæ traditionis :Select 1 Peter 1:18

19sed pretioso sanguine quasi agni immaculati Christi, et incontaminati :Select 1 Peter 1:19

20præcogniti quidem ante mundi constitutionem, manifestati autem novissimis temporibus propter vos,Select 1 Peter 1:20

21qui per ipsum fideles estis in Deo, qui suscitavit eum a mortuis, et dedit ei gloriam, ut fides vestra et spes esset in Deo :Select 1 Peter 1:21

22animas vestras castificantes in obedientia caritatis, in fraternitatis amore, simplici ex corde invicem diligite attentius :Select 1 Peter 1:22

23renati non ex semine corruptibili, sed incorruptibili per verbum Dei vivi, et permanentis in æternum :Select 1 Peter 1:23

24quia omnis caro ut fœnum : et omnis gloria ejus tamquam flos fœni : exaruit fœnum, et flos ejus decidit.Select 1 Peter 1:24

25Verbum autem Domini manet in æternum : hoc est autem verbum, quod evangelizatum est in vos.Select 1 Peter 1:25