31 Peter 3

1Similiter et mulieres subditæ sint viris suis : ut etsi qui non credunt verbo, per mulierem conversationem sine verbo lucrifiant :Select 1 Peter 3:1

2considerantes in timore castam conversationem vestram.Select 1 Peter 3:2

3Quarum non sit extrinsecus capillatura, aut circumdatio auri, aut indumenti vestimentorum cultus :Select 1 Peter 3:3

4sed qui absconditus est cordis homo, in incorruptibilitate quieti, et modesti spiritus, qui est in conspectu Dei locuples.Select 1 Peter 3:4

5Sic enim aliquando et sanctæ mulieres, sperantes in Deo, ornabant se, subjectæ propriis viris.Select 1 Peter 3:5

6Sicut Sara obediebat Abrahæ, dominum eum vocans : cujus estis filiæ benefacientes, et non pertimentes ullam perturbationem.Select 1 Peter 3:6

7Viri similiter cohabitantes secundum scientiam, quasi infirmiori vasculo muliebri impartientes honorem, tamquam et cohæredibus gratiæ vitæ : ut non impediantur orationes vestræ.Select 1 Peter 3:7

8In fine autem omnes unanimes, compatientes fraternitatis amatores, misericordes, modesti, humiles :Select 1 Peter 3:8

9non reddentes malum pro malo, nec maledictum pro maledicto, sed e contrario benedicentes : quia in hoc vocati estis, ut benedictionem hæreditate possideatis.Select 1 Peter 3:9

10Qui enim vult vitam diligere, et dies videre bonos, coërceat linguam suam a malo, et labia ejus ne loquantur dolum.Select 1 Peter 3:10

11Declinet a malo, et faciat bonum : inquirat pacem, et sequatur eam :Select 1 Peter 3:11

12quia oculi Domini super justos, et aures ejus in preces eorum : vultus autem Domini super facientes mala.Select 1 Peter 3:12

13Et quis est qui vobis noceat, si boni æmulatores fueritis ?Select 1 Peter 3:13

14Sed et si quid patimini propter justitiam, beati. Timorem autem eorum ne timueritis, et non conturbemini.Select 1 Peter 3:14

15Dominum autem Christum sanctificate in cordibus vestris, parati semper ad satisfactionem omni poscenti vos rationem de ea, quæ in vobis est, spe.Select 1 Peter 3:15

16Sed cum modestia, et timore, conscientiam habentes bonam : ut in eo, quod detrahunt vobis, confundantur, qui calumniantur vestram bonam in Christo conversationem.Select 1 Peter 3:16

17Melius est enim benefacientes (si voluntas Dei velit) pati, quam malefacientes.Select 1 Peter 3:17

18Quia et Christus semel pro peccatis nostris mortuus est, justus pro injustis, ut nos offerret Deo, mortificatus quidem carne, vivificatus autem spiritu.Select 1 Peter 3:18

19In quo et his, qui in carcere erant, spiritibus veniens prædicavit :Select 1 Peter 3:19

20qui increduli fuerant aliquando, quando exspectabant Dei patientiam in diebus Noë, cum fabricaretur arca : in qua pauci, id est octo animæ, salvæ factæ sunt per aquam.Select 1 Peter 3:20

21Quod et vos nunc similis formæ salvos fecit baptisma : non carnis depositio sordium, sed conscientiæ bonæ interrogatio in Deum per resurrectionem Jesu Christi.Select 1 Peter 3:21

22Qui est in dextera Dei, deglutiens mortem ut vitæ æternæ hæredes efficeremur : profectus in cælum subjectis sibi angelis, et potestatibus, et virtutibus.Select 1 Peter 3:22