31 Timothy 3

1Fidelis sermo : si quis episcopatum desiderat, bonum opus desiderat.Select 1 Timothy 3:1

2Oportet ergo episcopum irreprehensibilem esse, unius uxoris virum, sobrium, prudentem, ornatum, pudicum, hospitalem, doctorem,Select 1 Timothy 3:2

3non vinolentum, non percussorem, sed modestum : non litigiosum, non cupidum, sedSelect 1 Timothy 3:3

4suæ domui bene præpositum : filios habentem subditos cum omni castitate.Select 1 Timothy 3:4

5Si quis autem domui suæ præesse nescit, quomodo ecclesiæ Dei diligentiam habebit ?Select 1 Timothy 3:5

6Non neophytum : ne in superbiam elatus, in judicium incidat diaboli.Select 1 Timothy 3:6

7Oportet autem illum et testimonium habere bonum ab iis qui foris sunt, ut non in opprobrium incidat, et in laqueum diaboli.Select 1 Timothy 3:7

8Diaconos similiter pudicos, non bilingues, non multo vino deditos, non turpe lucrum sectantes :Select 1 Timothy 3:8

9habentes mysterium fidei in conscientia pura.Select 1 Timothy 3:9

10Et hi autem probentur primum : et sic ministrent, nullum crimen habentes.Select 1 Timothy 3:10

11Mulieres similiter pudicas, non detrahentes, sobrias, fideles in omnibus.Select 1 Timothy 3:11

12Diaconi sint unius uxoris viri, qui filiis suis bene præsint, et suis domibus.Select 1 Timothy 3:12

13Qui enim bene ministraverint, gradum bonum sibi acquirent, et multam fiduciam in fide, quæ est in Christo Jesu.Select 1 Timothy 3:13

14Hæc tibi scribo, sperans me ad te venire cito :Select 1 Timothy 3:14

15si autem tardavero, ut scias quomodo oporteat te in domo Dei conversari, quæ est ecclesia Dei vivi, columna et firmamentum veritatis.Select 1 Timothy 3:15

16Et manifeste magnum est pietatis sacramentum, quod manifestatum est in carne, justificatum est in spiritu, apparuit angelis, prædicatum est gentibus, creditum est in mundo, assumptum est in gloria.Select 1 Timothy 3:16