102 Corinthians 10

1Ipse autem ego Paulus obsecro vos per mansuetudinem et modestiam Christi, qui in facie quidem humilis sum inter vos, absens autem confido in vos.Select 2 Corinthians 10:1

2Rogo autem vos ne præsens audeam per eam confidentiam, qua existimor audere in quosdam, qui arbitrantur nos tamquam secundum carnem ambulemus.Select 2 Corinthians 10:2

3In carne enim ambulantes, non secundum carnem militamus.Select 2 Corinthians 10:3

4Nam arma militiæ nostræ non carnalia sunt, sed potentia Deo ad destructionem munitionum, consilia destruentes,Select 2 Corinthians 10:4

5et omnem altitudinem extollentem se adversus scientiam Dei, et in captivitatem redigentes omnem intellectum in obsequium Christi,Select 2 Corinthians 10:5

6et in promptu habentes ulcisci omnem inobedientiam, cum impleta fuerit vestra obedientia.Select 2 Corinthians 10:6

7Quæ secundum faciem sunt, videte. Si quis confidit sibi Christi se esse, hoc cogitet iterum apud se : quia sicut ipse Christi est, ita et nos.Select 2 Corinthians 10:7

8Nam etsi amplius aliquid gloriatus fuero de potestate nostra, quam dedit nobis Dominus in ædificationem, et non in destructionem vestram, non erubescam.Select 2 Corinthians 10:8

9Ut autem non existimer tamquam terrere vos per epistolas :Select 2 Corinthians 10:9

10quoniam quidem epistolæ, inquiunt, graves sunt et fortes : præsentia autem corporis infirma, et sermo contemptibilis :Select 2 Corinthians 10:10

11hoc cogitet qui ejusmodi est, quia quales sumus verbo per epistolas absentes, tales et præsentes in facto.Select 2 Corinthians 10:11

12Non enim audemus inserere, aut comparare nos quibusdam, qui seipsos commendant : sed ipsi in nobis nosmetipsos metientes, et comparantes nosmetipsos nobis.Select 2 Corinthians 10:12

13Nos autem non in immensum gloriabimur, sed secundum mensuram regulæ, qua mensus est nobis Deus, mensuram pertingendi usque ad vos.Select 2 Corinthians 10:13

14Non enim quasi non pertingentes ad vos, superextendimus nos : usque ad vos enim pervenimus in Evangelio Christi.Select 2 Corinthians 10:14

15Non in immensum gloriantes in alienis laboribus : spem autem habentes crescentis fidei vestræ, in vobis magnificari secundum regulam nostram in abundantiam,Select 2 Corinthians 10:15

16etiam in illa, quæ ultra vos sunt, evangelizare, non in aliena regula in iis quæ præparata sunt gloriari.Select 2 Corinthians 10:16

17Qui autem gloriatur, in Domino glorietur.Select 2 Corinthians 10:17

18Non enim qui seipsum commendat, ille probatus est : sed quem Deus commendat.Select 2 Corinthians 10:18